Petropavlda ýly gaz datchıgi kópbalaly otbasyn qutqaryp qaldy

PETROPAVL. QazAqparat – Petropavlda qutqarýshylar ornatyp ketken ýly gazdy anyqtaıtyn datchık bir úıli jandy ólim aýzynan qutqardy, dep habarlaıdy QazAqparat tilshisi.
SQO Tótenshe jaǵdaılar departamentiniń baspasóz qyzmeti usynǵan aqparatqa sáıkes, Petropavl qalasynyń turǵyny Ásel Tokına ádettegideı uıyqtar aldynda pesh jaqqan. Keıin janyp jatqan kómirdiń ústine qoqys jınalǵan polıetılen paketin tastaǵan. Al onda plastmass oıynshyqtardyń synǵan bólshekteri bolǵan. Tórt balasyn jatqyzyp, teledıdar kórýge otyrǵan ol, qalǵyp ketken.
Kelinshek qatty dybystan oıanǵan. Datchık iske qosylǵan eken. Qoıý ay tútin kireberisten úıge ene bastaǵan. Janǵan plastık pesh ottyǵynan aǵyp, tútindep ótkir ıis bólgen.
«Bizge órtke qarsy dabyl ornatylmaǵanda aman qalýymyz neǵaıbyl edi. Kók tútindi kórip, birden esik-terezeni ashtym. Kúıeýim jumysta bolatyn. Qazir ony oılaýdyń ózi qorqynyshty. Sizderdiń qyzmetkerlerińizge úlken rahmet. Sizder bizdiń otbasymyzdy aman saqtap qaldyńyzdar», - dep Ásel Tokına departament basshysynyń atyna alǵys hat joldady.
Mamandardyń aıtýynsha, óńirde kópbalaly otbasylardyń úılerine tútin jáne ýly gazdy sezetin 400-den astam qurylǵy ornatyldy. Bul jumystar aldaǵy ýaqytta jalǵasyn tappaq.
- 20 qańtar kúni elimizde bolatyn mańyzdy sharalar ańdatpasy
- Qaraǵandyda turǵyn úıde shyqqan órtten 14 adam qutqaryldy
- Soltústik Qazaqstanda KVI juqtyrǵandar bir aptanyń ishinde 36 paıyzǵa artty
- Oralda shoqyný meıramynda oıyqtan sý alýǵa kelgen 78 jastaǵy qarııa kóz jumdy
-
Qaraǵandy oblysynyń Doskeı aýylynda 39 otbasy baspanaly boldy
-
Rýdnyı qalasynda túrmeden qashqan eki qylmysker ustaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam