+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Petropavlda Ulttyq ulan kýrsanttarynyń jappaı ýlaný sebebi anyqtalýda

2019 jylǵy 6 jeltoqsan 18:58
Bólisińiz:
Petropavlda Ulttyq ulan kýrsanttarynyń jappaı ýlaný sebebi anyqtalýda

PETROPAVL. QazAqparat – Petropavldaǵy QR Ulttyq ulany Áskerı ıntıtýtynyń 62 kýrsanty ózderin jaısyz sezinip, medıtsınalyq kómekke júgingen. Oqıǵaǵa baılanysty joǵary oqý ornynda qyzmettik tekseris júrip jatyr, dep habarlaıdy QazAqparat tilshisi.

Áskerı ıntıtýttyń baspasóz qyzmetinen málim etkendeı, oqıǵa 25 qarasha kúni bolǵan. Joǵary oqý ornynyń 62 kýrsanty túngi saǵat 01.30-dan bastap, tańǵy saǵat 10.00-ge deıin medıtsınalyq kómekke júgingen. Jigitterdiń ishi ótip, qusyp, ystyǵy kóterilgen.

Sol kúni dıagnozdy anyqtaý úshin tórt kýrsant Petropavldaǵy №1 qalalyq aýrýhananyń ınfektsııa bólimshesine jatqyzyldy. Dárigerler olarǵa «astan ýlaný» (taǵamdyq toksıkoınfektsııa) dıagnozyn qoıǵan. Qalǵan kýrsanttar medıtsınalyq kómek alǵannan keıin oqýlaryn jalǵastyrǵan.

Áskerı ınstıtýt ókilderiniń sózine qaraǵanda, ashanada «SANZHELI» JShS qyzmet kórsetedi. Epıdemıologııalyq tekseris qorytyndysy jastardyń oqý ornynyń ashanasynda ýlanbaǵanyn rastady.

«SQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń bakterıologııalyq zerthanasynda ınstıtýt ashanasynan alynǵan tamaqtardyń, sýdyń, ydystardyń ústińgi qabattarynyń synamasy zertteldi. Ashananyń 21 qyzmetkeri men 300 kýrsant tekserilip, olardan ınfektsııa qozdyrǵyshy tabylmady. 328 adam, sonyń ishinde ashana qyzmetkerleri ishek mıkroflorasyna tekserildi. Tek eki kýrsantta ǵana enterovırýs anyqtaldy», - delingen resmı aqparatta.

Mamandardyń aıtýynsha, enterovırýs ishekte kezdesetin ınfektsııa. Aýrý adammen baılanysta bolǵandardyń 80% dertti juqtyrady. Ol – jeke bas gıgıenasyn saqtamaǵan jaǵdaıda jáne aýa arqyly taralady. Derttiń belgileri astan ýlanǵanmen birdeı. ıAǵnı adamnyń ishi aýyrady, qusady, ystyǵy kóterilip, tábeti qashady.

Málim bolǵandaı, 24 qarasha demalys kúni bolǵandyqtan 2,3 jáne 4-kýrs kýrsanttary jospar boıynsha Áskerı ınstıtýttyń avtobýstarymen kınoteatrǵa barǵan. Medıtsınalyq kómekke júgingen 62 kýrsanttyń 12-si sol kúni qalaǵa demalysqa jiberilgen. Qazir kýrsanttardyń qaıda jáne qandaı astan ýlanǵany anyqtalyp jatyr. Joǵary oqý ornynda epıdemııaǵa qarsy is-sharalar tolyq júrgizildi. Sondaı-aq aýrýhanaǵa túsken kýrsanttar da jazylyp, oqýlaryna kiristi.

Áskerı polıtsııa oqıǵanyń mán-jaıyn anyqtaýda, oqý orny da qyzmettik tekseris júrgizýde.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT