+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Petropavlda tyl ardageri páterinen aıyryldy

2021 jylǵy 13 mamyr 17:59
Bólisińiz:
Petropavlda tyl ardageri páterinen aıyryldy

PETROPAVL. QazAqparat – Petropavl turǵyny, tyl eńbekkeri Lıýdmıla Nosık 2 bólmeli páterinen aıyryldy, dep habarlaıdy QazAqparat tilshisi.

Uqsas jańalyqtar
SQO turǵyny mas kúıde tanysynyń kóligin aıdap áketken Mınıstrlik Pavlodar oblysyndaǵy úıdiń nelikten qulaǵanyn túsindirdi Bıyl Aqmola oblysynda 5 myńnan astam páter paıdalanýǵa beriledi

Týystary áleýmettik qyzmetkerdi baspanany syı qujat arqyly óz atyna aýdaryp aldy dep kinálaýda.

Petropavldyń 83 jastaǵy turǵyny, tyl ardageri Lıýdmıla Nosık qazir týysyn panalap otyr. Qartaıǵan shaǵynda dalada qalǵan jaıy bar. Ájeıdiń nemeresi Natalıa Seredanyń aıtýynsha, zeınetkerdiń 2 bólmeli páterin oǵan 4 aı boıy qyzmet kórsetken áleýmettik qyzmetker syı qujat arqyly óz atyna aýdaryp alǵan. Al páter ıesin jekemenshik qarttar úıine tapsyrypty.

«Ájemniń qarttar úıine túskeni jaıly quzyrly organnan bizge eshkim habar bergen joq. Tátem ony mekemeden alyp ketýge barǵan kezde bul kisi aýrýhanada júrmin dep oılaǵan. Qolynda azyn-aýlaq kıimi men jeke kýáligi ǵana bolǵan. Qalǵan ózge qujattary joq. 2 bólmeli pátermen qosa áleýmettik qyzmetker shotta jınalǵan qarjyny da ıemdendi», - deıdi Máskeýden arnaıy kelgen Natalıa Sereda.

Lıýdmıla Nosık 30 jylǵa jýyq temirjolda vagon tekserýshi bolyp jumys istegen. Baspanany kezinde jumys ornynan beripti. Kúıeýi ekeýi eki uldy ómirge ákeldi. Olardyń bári erte dúnıeden ótipti. Qazir barlyq nemereleri Reseıde turady. Sol sebepti 2017-shi jyldan bastap áleýmettik qyzmetkerdiń kómegine júgingen.

«Naýryz aıynyń aıaǵynda áleýmettik qyzmetker ájemizdiń atynan ózine senimhat jasatqan. Osylaısha bar qarajatyn bank kartasynan sheship alǵan. Al sáýirdiń basynda ózine 2 bólmeli páterdi syı qujatpen resimdegen.

Birneshe kúnnen soń ony qarttar úıine aparyp tastaǵan. Qazir ájemiz bala sekildi, bárine senip qalady. Ol áıel osyny paıdalanyp qujattarǵa qol qoıdyrǵan», - deıdi tyl ardageriniń nemeresi.

Natalıa Sereda Petropavldaǵy jumyspen qamtý jáne áleýmettik

baǵdarlamalar bólimine bardy. Polıtsııaǵa áleýmettik qyzmetkerdiń ústinen aryz túsirdi.

«Áleýmettik qyzmetker ózdiginen eshkimdi Qarttar úıine ornalastyra almaıdy. Bizdiń bilýimizshe, Lıýdmıla Nosık ózim baramyn dep qujat toltyrǵan. Qazir biz munyń qanshalyqty ras ekenin anyqtaımyz. Sonymen qatar, quqyq qorǵaý organdary óz kezeginde bul is alaıaqtyq bolyp tabylady ma, sony tekseredi», - deıdi Petropavl qalasy ákiminiń orynbasary Asqar Habıbýlın.

Jalpy Petropavlda 500-ge jýyq jalǵyzilikti qart adam turady, olarǵa 78 áleýmettik qyzmetker bekitilgen.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT