+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Petropavlda stýdenttik eki jataqhana paıdalanýǵa beriledi

2021 jylǵy 23 sáýir 16:04
Bólisińiz:
Petropavlda stýdenttik eki jataqhana paıdalanýǵa beriledi

PETROPAVL. QazAqparat – Petropavlda oblysty damytýdyń keshendi jospary aıasynda 11 qabatty oqý-zerthanalyq korpýs salynyp jatyr. Budan basqa bıyl stýdentterge arnalǵan eki jataqhana paıdalanýǵa beriledi, dep habarlaıdy QazAqparat tilshisi.

M.Qozybaev atyndaǵy Soltústik Qazaqstan ýnıversıtetiniń málimetinshe, salynyp jatqan 11 qabatty oqý-zerthanalyq korpýsta 70-ten astam zerthana bolady. Ǵımaratqa 3 fakýltetti: ınjenerlik-tehnıkalyq, agrotehnologııalyq jáne medıtsınalyq fakýltetterdi ornalastyrý josparlanǵan. Bolashaqta jaratylystaný, áleýmettik jáne gýmanıtarlyq ǵylymdar boıynsha taǵy bir oqý-zerthanalyq korpýsyn salý máselesi qazir qaralyp jatyr.

Joǵary oqý orny 1750 oryndyq 3 zamanaýı jataqhananyń qurylysyn da josparlap otyr. Olardyń ekeýi osy jyldyń sońyna deıin, úshinshisi 2022 jyly tapsyrylmaq.

«Oblysty damytýdyń keshendi jospary aıasynda jalpy somasy 4,5 mlrd teńgege 5 korpýs pen 3 jataqhanaǵa kúrdeli jóndeý júrgizilmek. Qazirgi ýaqytta ýnıversıtet ǵımarattary eskirgen, kópten beri kúrdeli jóndeý jasalmaǵan. Bólingen qarajat 2023 jylǵa deıin ıgerilýi tıis. Oǵan negizgi kommýnıkatsııalar men jelilerdi, terezelerdi, esikterdi aýystyrý aýystyrý jáne ishki jóndeý jumystaryn júrgizý josparlanǵan», - deıdi M.Qozybaev atyndaǵy SQÝ rektory Erlan Shýlanov.

Qazir ýnıversıtette 7706 stýdent bar. Shetelden kelip bilim alyp jatqandardyń sany sońǵy birer jylda 4 esege ulǵaıǵan. Úndistan, Qytaı, Mońǵolııa, Reseı jáne Ózbekstannan kelgen 379 adam bilim alyp jatyr.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT