Petropavlda shaǵyn aýdanda órt shyǵyp, eki jeke turǵyn úı janyp ketti
2022 jylǵy 9 mamyr 22:01

Petropavlda shaǵyn aýdanda órt shyǵyp, eki jeke turǵyn úı janyp ketti

PETROPAVL. QazAqparat – Petropavldaǵy Kopaı shaǵyn aýdanynda órt shyǵyp, eki jeke turǵyn úı janyp ketti, zardap shekkender, qaza tapqandar joq, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, Petropavldaǵy Kopaı shaǵyn aýdanynda órt shyqqandyǵy jóninde habar «101» qyzmetine saǵat 18.00 shamasynda túsken. Qýrap turǵan qamys birden lap etip, jaqyn mańdaǵy úılerge qaýip tóngen. Oqıǵa ornyna órt sóndirý qyzmetiniń 12 tehnıkasy jáne jeke quramnyń 31 qyzmetkeri jumyldyryldy.

Tar kóshe jáne úılerdiń tyǵyz ornalasýy mamandardyń jumysyn qıyndatty. Soǵan qaramastan órt sóndirýshiler jiti qımyldap, otqa oranǵan úılerden 3 gaz ballonyn shyǵardy. Saǵat 19.00 shamasynda órt aýyzdyqtalsa, jarty saǵattan keıin tolyq sóndirildi.

Qaza tapqandar men zardap shekkender joq. Mamandar tórt úıdi qyzyl jalynnan aman alyp qalǵanymen, ekeýi janyp ketti. Úsh qora-qopsy órtendi, taǵy bir turǵyn úıdiń shatyry zaqymdandy. 500 sharshy metr qamys jandy. Órttiń neden shyqqany belgisiz.

Birer kún buryn M.Jumabaev aýdany Býlaev qalasynda da 5 ga qamys órtenip, saldarynan jalyn «AGRIMER» JShS elevatorynyń aýmaǵyna kirgen edi. Sharýashylyqtyń 3,6 myń sharshy metrdi alyp jatqan bos turǵan qoımasy janyp ketti. Mamandar órtti shamamen 5 saǵat sóndirdi. Zardap shekkender, qaza tapqandar joq. Qamystyń neden órtengeni ázirge anyqtalǵan joq.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT