+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Petropavlda sertıfıkattalmaǵan dári-dármek satqan dárihana anyqtaldy

2020 jylǵy 23 qarasha 21:10
Bólisińiz:
Petropavlda sertıfıkattalmaǵan dári-dármek satqan dárihana anyqtaldy

PETROPAVL. QazAqparat – Petropavlda polıtseıler 56 túrli dári-dármekti sertıfıkatsyz satqan dárihanany anyqtady, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, zańsyz saýdaǵa túsken medıtsınalyq preparattardy Esirtki qylmysyna qarsy is-qımyl basqarmasynyń mamandary Petropavldaǵy dárihanalardyń birinde anyqtaǵan.

Tártip saqshylaryna oblys ortalyǵyndaǵy dárihanalardyń birinde sertıfıkaty joq dári-dármektiń saýdaǵa shyǵarylǵandyǵy jóninde habar túsedi. Tekserý barysynda aqparat rastaldy, dárilik preparattardyń ruqsat qaǵazy bolmaǵan. Dárihanadan polıtseıler 56 túrli medıtsınalyq preparatty – 2800 plastınany tárkiledi.

Tergeýshiler «Farmatsevtıkalyq qyzmet jáne dárilik zattar men medıtsınalyq buıymdardyń aınalymy salasynyń erejelerin buzý» baby boıynsha dárihana ıesine materıal jınady. Bul bap boıynsha 130-dan 200-ge deıin AEK mólsherinde aıyppul qarastyrylǵan. Qandaı jaza qoldaný kerektigin ókiletti organ - Medıtsınalyq jáne farmatsevtıkalyq qyzmetti baqylaý komıtetiniń SQO boıynsha departamenti sheshedi.

Bul derek «Dármek» jedel-profılaktıkalyq is-sharasy aıasynda anyqtalyp otyr. Operatsııa ótken aptada júzege asty. Іs-sharanyń maqsaty – esirtki jáne psıhotropty zattarmen, prekýrsorlarmen aınalysýǵa zańdy ruqsaty bar ónerkásiptik jáne medıtsınalyq nysandardy tekserý. Operatsııa barysynda qoıma, dárihana, ónerkásiptik kásiporyndar men medıtsınalyq nysandardyń 40-tan astamy tekserildi. Nátıjesinde 11 zańbuzýshylyq anyqtaldy, onyń 5-ýi nysandardyń tehnıkalyq qorǵalýyna, al 6-ýy farmatsevtıkalyq qyzmettiń buzylýyna baılanysty. Sondaı-aq «Dármek» is-sharasy aıasynda esirtkige qatysty 15 zańbuzýshylyq anyqtaldy», - deıdi SQO PD Esirtki qyzetine qarsy is-qımyl basqarmasynyń basshysy Jandos Basybaev.

Mamandardyń aıtýynsha, jalpy jyl basynan oblys polıtseıleri 400 kg túrli esirtki zatyn zańsyz aınalymnan aldy. Onyń 350 kg artyǵy – marıhýana, 1 kg 690 gr – sıntetıkalyq esirtik, 372 gr – geroın.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT