+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Petropavlda «saqaldy» qurylystyń ornyna iri saýda ortalyǵy ashyldy

2019 jylǵy 22 qyrkúıek 10:54
Bólisińiz:
Petropavlda «saqaldy» qurylystyń ornyna iri saýda ortalyǵy ashyldy

PETROPAVL. QazAqparat – Petropavldyń ortalyǵynda on jyldan artyq qala kórkin buzyp kelgen «saqaldy» qurylys aıaqtalyp, tolyq formatty zamanaýı iri saýda, oıyn-saýyq ortalyǵy paıdalanýǵa berildi, dep habarlaıdy QazAqparat tilshisi.

Uqsas jańalyqtar
SQO ákimi sport klýbtaryna legıonerler tartýǵa tyıym saldy

«Dostyk MALL» dep atalatyn saýda, oıyn-saýyq ortalyǵy 30 myń sharshy metr aýmaqty alyp jatyr. Munda bir kúnde 15 myńǵa jýyq adam kele alady. Qazaqstandyq ónimnen basqa reseılik, halyqaralyq kompanııalar óz taýaryn usynbaq. Budan basqa 5 zaldan turatyn zamanaýı kınokeshen ashylyp, balalardyń oıyn-saýyq ortalyǵy, dámhanalar men meıramhanalar jumys istemek.


Jergilikti kásipker Muhtar Igibaev jobany memlekettiń kómegimen júzege asyrdy. Ortalyqtyń ashylý saltanatyna oblys ákimi Qumar Aqsaqalov qatysty. Ol óz áserimen Instagram áleýmettik jelisinde bólisti.


«Petropavl qalasy ómir súrýge yńǵaıly, zamanaýı qalaǵa aınalyp keledi. Biz eskirgen, qulaıyn dep turǵan úılerdi syryp tastap, ornyna jańa úıler men áleýmettik nysandar salyp jatyrmyz. Eski ǵımarattyń ornynda atrıýmy bar jańa, qalanyń kórkin ashar ádemi ortalyq boı kóterdi.

Jańa nysannyń áleýmettik mańyzyn da aıta ketpese bolmas. 400 soltústikqazaqstandyq turaqty jumyspen qamtylady. «Dostyq Mall»-da qala turǵyndary men qonaqtaryna kóptegen qyzmet túri usynylyp, olar bul jerde demalýǵa múmkindik alady», - dep jazdy Qumar Aqsaqalov óz paraqshasynda.


Jalpy Petropavl qalasynyń kelbeti sońǵy jyldary tanymastaı ózgerdi. Tennıs ortalyǵy, A.Vınokýrov atyndaǵy sport saraıy, elimizde teńdesi joq Oqýshylar saraıy paıdalanýǵa berilip, kópqabatty turǵyn úıler men mektep, aýrýhana sekildi áleýmettik nysandar kóptep salynyp jatyr.

Jaqynda oblys ortalyǵynda suıyq jáne qatty sabyn shyǵaratyn turmystyq hımııa fabrıkasy ashylmaq. Tsıfrlyq aqparatty saqtaıtyn zamanaýı Data-ortalyqtyń qurylysy júrip jatyr. «CLAAS» nemis kontserniniń aýyl sharýashylyǵy tehnıkasyn qurastyrý maqsatynda jańa joba júzege asyrylmaq. Birer aptada túrik ınvestorlarynyń qatysýymen kópsalaly aýrýhananyń qurylysy bastalady dep josparlanǵan.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT