+7 (701) 759 90 19 Lenta
USD 387.34 EUR 428.44
RUB 6.04 CNY 54.58
Jańalyqtar

Petropavlda sábıdi qutqaryp qalǵan qala turǵyny marapattaldy

2019 jylǵy 30 shilde 01:42
Bólisińiz:
Petropavlda sábıdi qutqaryp qalǵan qala turǵyny marapattaldy

PETROPAVL. QazAqparat – Petropavlda 2 jasar náresteniń ómirin ólimnen arashalaǵan turǵyndy qala polıtseıleri marapattady, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń habarlaýynsha, Petropavl qalasynyń turǵyny Dmıtrıı Zaıtsev tórtinshi qabattaǵy páterdiń tereze jaqtaýyna shyqqan 2 jasar sábıdi qutqarǵan bolatyn. Ol balkon arqyly páterge kirip, terezeden qulaıyn dep turǵan náresteni túsirip aldy. Al balaǵa qaraýy tıis áıel túngi kezekshilikten keıin uıyqtap ketken eken.

Sábı oqıǵa kezinde jumysta bolǵan áke-sheshesine aman-esen tabystaldy.

«Oılanýǵa ýaqyt bolǵan joq. Joǵary qabattan tórtinshi qabattaǵy balkonǵa sekirip, páterge kirdim. Tómende adamdar kórpeni jaıyp ustap turdy. Ol kezde óz qaýipsizdigim týraly oıyma da kelmepti» - deıdi Dmıtrıı.

Petropavl qalalyq Polıtsııa basqarmasy bastyǵynyń mindetin atqarýshy Nurjan Qojaǵulov Dmıtrıı Zaıtsevke alǵys hat pen qol saǵatty tabys etti.

«Birlesken áreketter arqyly biz turǵyndardyń qaýipsizdigin qamtamasyz etý jumysynyń tıimdiligin arttyramyz. Budan bólek, profılaktıkalyq is-sharalardy ótkize otyryp, azamattardyń quqyqtyq sanasyn nyǵaıtýdy da kózdep otyrmyz. Azamattardyń qoǵamdyq tártipti saqtaýǵa qatysýy – olardyń quqyqtyq tártip máselelerine qatysty belsendi kózqarastaryn bildiredi», - dedi Nurlan Qojaǵulov.

Bıyl Petropavlda balalardyń kóp qabatty úılerdiń terezesinen qulap qaıtys bolýyna qatysty eki oqys oqıǵa tirkeldi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT