Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.01 EUR 430.12
RUB 6.10 CNY 55.70
Jańalyqtar

Petropavlda órt sóndirý-qutqarý sportynan ótken respýblıkalyq týrnır aıaqtaldy

2019 jylǵy 16 maýsym 00:45 678
Bólisińiz:
Petropavlda órt sóndirý-qutqarý sportynan ótken respýblıkalyq týrnır aıaqtaldy

PETROPAVL. QazAqparat - Petropavlda  «Órt sóndirýshiler men qutqarýshylardyń sporttyq federatsııasy» qoǵamdyq birlestigi kýbogyna arnalǵan respýblıkalyq týrnırdiń jeńimpazdary anyqtaldy, dep habarlaıdy QazAqparat tilshisi.

SQO Tótenshe jaǵdaılar departamenti «Órt sóndirý jáne avarııalyq-qutqarý jumystary qyzmeti» MM baspasóz qyzmetiniń málimetinshe, respýblıkalyq týrnırge Qazaqstannyń oblystarynan, Nur-Sultan, Almaty  men Shymkent qalalarynan 190 sportshy qatysty.

Áıelder jáne erler qurama komandalary kedergilerge toly 100 metrlik joldy júgirýden, oqý munarasynyń qabattaryna shabýyldaý satysy arqyly kóterilýden, atqaratyn kúndelikti qyzmetterine baılanysty tapsyrmalardy oryndaýdan jalpykomandalyq jáne jekeleı synǵa tústi.

Eki kúnge jalǵasqan jarys Petropavl qalalyq mádenıet úıinde qorytyndylandy. Jeńimpazdarǵa jáne olardyń jattyqtyrýshylaryna SQO Tótenshe jaǵdaılar departamentiniń, dene shynyqtyrý jáne sport basqarmasynyń, «Órt sóndirýshiler men qutqarýshylardyń sporttyq federatsııasy» qoǵamdyq birlestiginiń medaldary, dıplomdary men baǵaly syılyqtary tabys etildi.

Jalpykomandalyq esepte áıelder arasynda birinshi oryndy Shymkent qalasynyń sportshylary jeńip aldy. Ekinshi oryn - Aqtóbe, úshinshi oryn Nur-Sultan qalasynyń quramasyna buıyrdy.

Erler arasynda shyǵysqazaqstandyqtar aldaryna jan salmady, atyraýlyqtar ekinshi, BQO-nyń sportshylary úshinshi orynǵa turaqtady. 

 

 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT