Petropavlda qoıan-qoltyq urystan respýblıkalyq týrnır ótti

PETROPAVL. QazAqparat – Petropavlda Azamat Nurpeıisovty eske alýǵa arnalǵan qoıan-qoltyq urystan respýblıkalyq ashyq týrnır ótti, dep habarlaıdy QazAqparat tilshisi.

Uqsas jańalyqtar

Oralda dzıýdodan Oralbek Qojageldındi eske alýǵa arnalǵan respýblıkalyq týrnır ótýde

Dzıýdo: Smetov pen Qyrǵyzbaev «Masters» týrnırinde júldesiz qaldy Nur-Sultanda Denıs Tendi eske alýǵa arnalǵan muz shoýy ótedi Chempıondar lıgasy: «Manchester Sıtı» qarsylasyn oısyrata jeńdi

Soltústik Qazaqstan oblysy polıtsııa departamenti baspasóz qyzmetiniń málimetinshe, dástúrli týrnır joǵary áskerı jáne arnaıy oqý oryndarynyń kýrsanttary arasynda uıymdastyrylady. Jarysqa bolashaq polıtseıler tórtinshi ret qatysty.

QR UU áskerı ınstıtýtynyń bastyǵy Baýyrjan Ábjanovtyń aıtýyna qaraǵanda, halyqaralyq deńgeıdegi sport sheberi, kapıtan Azamat Nurpeıisovty eske alýǵa arnalǵan týrnır joǵary oqý ornynda 2016 jyldan beri ótkizilip keledi.

Petropavl qalasynyń týmasy Azamat Nurpeıisov bolashaǵynan zor úmit kúttirgen sportshylardyń biri boldy. QR UU arnaıy bólimshesiniń jaýyngeri kıkboksten halyqaralyq deńgeıdegi sport sheberi, 2009 jyly Italııada jáne 2013 jyly Túrkııada kıkboksıngten ótken Álem chempıonatynyń kúmis júldegeri, 2011 jyly Irlandııada ótken Álem chempıonatynyń qola júldegeri, Azııa-2012 chempıony jáne basqa da kóptegen halyqaralyq, respýblıkalyq jarystardyń jeńimpazy. Azamat 27 jasynda aýyr syrqattan qaıtys boldy.

«Azamat Nurpeıisov sportta atalǵandardan da bıik shyńdardy baǵyndyrǵysy keldi, oryndalmaı ketken armandarynyń biri «kúreń beret» alý edi. Ol bir jyldan artyq aýyr syrqatpen kúresti. Moıymady, bolashaqqa sendi. Sonysymen de basqalarǵa úlgi bola bildi. Bolashaq polıtseılerdiń bul týrnırge qatysýynyń mańyzy zor», - dedi SQO PD bastyǵy Marat Tólebaev.

Ashyq týrnırge qatysýǵa QR ІІM Qaraǵandy, Qostanaı akademııalarynyń komandalary, Aqtóbe, Pavlodar qalalaryndaǵy ІІM oqý ortalyqtarynyń komandalary tilek bildirdi. «Jeńis» sport kesheninde eki kún boıy 7 qurama - 60 sportshy 8 salmaq dárejesinde jarysty.

Týrnırge qatysýshylarǵa Azamattyń týǵan-týystary jáne oblystyń kúsh qurylymdarynyń basshylary sáttilik tiledi. Jarysqa halyqaralyq dárejedegi sýdıa, sambodan sport sheberi, polkovnık Sátjan Ábishev qazylyq etti.

Nátıjesinde, jalpykomandalyq birinshi oryndy QRUU ÁI sportshylary jeńip aldy. Ekinshi-úshinshi oryndy QR ІІM Qaraǵandy akademııasynyń, jáne QR ІІM Pavlodar oqý ortalyǵynyń sportshylary ózara bólisti.