+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Petropavlda kópqabatty úıden órt shyǵyp, bir adam mert boldy

2020 jylǵy 4 jeltoqsan 12:07
Bólisińiz:
Petropavlda kópqabatty úıden órt shyǵyp, bir adam mert boldy

PETROPAVL. QazAqparat – Petropavlda 9 qabatty úıdiń balkondarynyń birinde órt shyǵyp, páter ıesi qaza tapty, dep habarlaıdy QazAqparat tilshisi.

Soltústik Qazaqstan oblystyqTótenshe jaǵdaılar departamenti baspasóz qyzmetiniń málimetinshe, Petropavldaǵy Jýkov kóshesi, 23-úıde órt keshe, shamamen saǵat 15.00 shamasynda shyqqan. Toǵyz qabatty úıdiń 4-qabatyndaǵy páterlerdiń birinde balkon órtengen. Keıin ol páterge aýysqan.

Oqıǵa ornyna jetken órt sóndirýshiler 45 adamdy, sonyń ishinde 6 balany qaýipsiz jerge shyǵardy. Al páter ıesi – 80 jastaǵy áıel mert boldy.

«Órttiń ázirge neden shyqqany belgisiz. Oqıǵa ornynda 7 tehnıka, 28 maman jumys istedi. Jalpy, ótken aptada 27 órt tirkelse, sonyń 23-i jeke sektorda bolǵan, turǵyn úıden bólek monshalar, qora-qopsylar janǵan. Órt negizinen buzylǵan peshten jáne elektr symdarynyń qysqa tuıyqtalýynan, qaýipsizdik erejelerin saqtamaýdan shyqqan», - deıdi SQO TJD bastyǵynyń mindetin atqarýshy Murat Qanǵojınov.


Al Taıynsha aýdanynda eki adam órtten zardap shekti.

«Jeke turǵyn úılerdiń biriniń garajynda eki adam kólik jóndegen. Gaz qospasy janyp, órt búkil garajǵa taraǵan. Saldarynan 35 jáne 40 jastaǵy eki er adam jaraqat aldy. Olardyń betteri men qoldary kúıgen. Zardap shekkender aýdandyq ortalyq aýrýhanaǵa jatqyzyldy. Er adamdar 1-2 deńgeıli kúıik alǵan, olardyń deneleriniń 10% órt sharpyǵan», - deıdi Murat Qanǵojınov.

Jalpy jyl basynan SQO-da órtte 44 adam qaza tapty, onyń beseýi – bala. 18 adam dene jaraqatyn aldy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT