+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Petropavlda kásipkerlerdi bopsalap, polıtseılerge kúsh kórsetken turǵyn sottaldy

2020 jylǵy 20 aqpan 21:18
Bólisińiz:
Petropavlda kásipkerlerdi bopsalap, polıtseılerge kúsh kórsetken turǵyn sottaldy

PETROPAVL. QazAqparat – Petropavl qalalyq soty jolaýshylar tasymalymen aınalysatyn kásipkerlerdi birneshe ret bopsalap, polıtseılerge kúsh kórsetken Konstantın Tımıchevke úkim shyǵardy, dep habarlaıdy QazAqparat tilshisi.

Petropavl qalalyq sotynyń málimetinshe, byltyr 1 maýsymda saǵat 23.45-te Konstantın Tımıchevti tártip saqshylary medıtsınalyq kýálandyrýdan ótkizý úshin ortalyqqa ákeledi. Ol sol jerde medıtsınalyq qyzmetkerlerge til tıgizip, janjal shyǵarǵan. Oqıǵa ornyna kelgen polıtseıler buzaqyny jónge salmaq bolady, alaıda ol bılik ókilderine kúsh kórsetken.

Budan basqa Tımıchev ótken jyldyń mamyr aıynyń sońynda Petropavlda jolaýshylar tasymalymen aınalysatyn eki kásipkerden aqsha bopsalaǵan. Qala ishindegi ár avtobýs úshin Tımıchev olardan kúndelikti 200 teńge tólep otyrýdy talap etken. Talaby oryndalmaǵan jaǵdaıda kásipkerlerdiń jumysyna kedergi keltirýge, ıaǵnı «avtobýstardyń jumysynan kinárat taýyp, ony áleýmettik jelide jarııalaımyn» dep qorqytqan.

2019 jyldyń 12 shildesinde polıtseıler Tımıchevti kezekti 286 myń teńgeni alyp jatqan jerinde ustady.

Petropavl qalalyq soty Konstantın Tımıchevti birneshe ret bopsalady jáne bılik ókiline kúsh kórsetti dep tanyp, 5 jylǵa bas bostandyǵynan aıyrdy.

Aıta ketken jón, Tımıchev buǵan deıin de jeke adamǵa qatysty jasaǵan aýyr qylmysy úshin jazasyn ótep shyqqan bolatyn.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT