+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Petropavlda farmatsevtıka zaýytynyń qurylysy josparlanǵan

2020 jylǵy 21 qyrkúıek 19:54
Bólisińiz:
Petropavlda farmatsevtıka zaýytynyń qurylysy josparlanǵan

PETROPAVL. QazAqparat – Petropavlda farmatsevtıkalyq zaýyt salynbaq. Reseılik ınvestorlarmen ótken kezdesý nátıjesin berip, eki tarap birlesken is-árekettiń naqty josparyn talqylady, dep habarlaıdy QazAqparat tilshisi.

Soltústik Qazaqstan oblysy ákiminiń orynbasary Ǵanı Nyǵmetov bul jaıynda áleýmettik jelidegi jeke paraqshasynda málim etti.

«Ýádemde turyp, jazyp otyrmyn. Omby qalasyna issapardyń keı jaı-japsaryna toqtalsam. Sapardyń negizgi maqsaty – oblys ákimi Qumar Aqsaqalovtyń tapsyrmasy boıynsha Petropavldaǵy «Qyzyljar» arnaıy ekonomıkalyq aımaǵynda farmatsevtıkalyq zaýyttyń qurylysyn bastaý úshin reseılik ınvestorlarmen qosymsha kelissóz júrgizý. Kelissóz sátti ótti. Investor SQO-ǵa degen qyzyǵýshylyǵyn resmı túrde bekitti. Jobanyń ekonomıkasyn, qarjylandyrý kózin kórsetip, belgili sharttaryn aıtty. Nátıjesinde biz birlesken is-árekettiń naqty josparyn talqyladyq», - dep jazdy Ǵanı Nyǵmetov.

Bul sapar Qazaqstannyń RF elshisi E.Kósherbaevtyń Omby oblysyna jumys saparymen tuspa-tus kelgen. Ǵanı Nyǵmetov Uly Jeńistiń 75 jyldyǵyna oraı Ombyda Kemel Toqaevtyń qurmetine memorıaldy taqtany ashý saltanatyna qatysty.

1945 jyly Qasym-Jomart Toqaevtyń ákesi osy qalada ornalasqan gospıtalde aýyr jaraqattan emdelgen. Taqtany ashý bastamasyn jergilikti ardagerler men qazaq qoǵamynyń ókilderi kótergen.

Oblys ákimi orynbasarynyń aıtýynsha, soltústikqazaqstandyq delegatsııa birneshe óniristik nysandy aralaǵan.

Sonyń ishinde ozon arqyly aýyz qýysy men tamaq ınfektsııalaryn emdeýge arnalǵan medıtsınalyq qondyrǵylar shyǵarylatyn kásiporyn da bar.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT