+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Petropavlda elimizdiń eń úzdik ánshi-polıtseıleri anyqtaldy

2019 jylǵy 17 qazan 20:51
Bólisińiz:
Petropavlda elimizdiń eń úzdik ánshi-polıtseıleri anyqtaldy

QOSTANAI. QazAqparat – Qostanaı polıtseıleri Petropavl qalasynda ótken «Ár júrekte - týǵan jer» respýblıkalyq art festıvalinde úzdik atandy, dep habarlaıdy QazAqparat.

Uqsas jańalyqtar
«Dala qyrandary» teleserıaly halyqaralyq baıqaýlarda baq synaıdy «Álem arýy-2019» baıqaýynda kórsetiletin Qazaqstan týraly vıdeorolık jarııalandy Sibir teatry Qazaqstanda alǵash ret óner kórsetpek

Tártip saqshylarynyń kvarteti patrıottyq taqyrypta popýrrı oryndady. Kvartet quramynda Qamysty aýdandyq polıtsııa bóliminiń patrýldik polıtsııa qyzmetkeri, polıtsııa serjanty Erlik Suraǵanov ta bar. Ol óziniń ánshilik qabileti týraly aıtyp berdi.

«Men mektep qabyrǵasynan beri án aıta bastadym. Kásibı ánshi bolmasam da bul óner maǵan polıtsııa qyzmetinde paıdaly boldy. Qyzmetke kelgenimde Qaraǵandy qalasynda ótken aımaqtyq konkýrsqa qatysý úshin top quramyna irikteýden óttim», - deıdi E. Suraǵanov.

Kvartettiń basqa qatysýshysy – Qostanaı aýdany polıtsııa bóliminiń ıývenaldy polıtsııa ýchaskelik ınspektory polıtsııa aǵa leıtenanty Amanat Kákimjanov 2015 jyly ІІM-de ótken respýblıkalyq patrıottyq án baıqaýyna irikteý úshin oblystyq konkýrsqa qatysqan. Onda ol «Týǵan jer» ánin oryndap, jeńimpaz atanǵan bolatyn. Sodan keıin Qazaqstan Táýelsizdiginiń 25 jyldyǵyna arnalǵan kontsertte óner kórsetti. Bıyl taǵy da oblystyq art festıvaline qatysyp, jeńimpaz atandy.

Ońtústik polıtsııa bóliminiń ıývenaldy polıtsııa tobynyń ýchaskelik ınspektory kapıtan Erjan Áýezbekovtiń sózinshe, bul baıqaýǵa elimizdiń barlyq oblystarynan 20-dan astam komanda qatysty. Áýesqoı ánshiler patrıottyq ánderdi shyrqady.

«Baıqaý óte aýqymdy ótti, biz eń kúrdeli baǵytty tańdadyq. Komandalyq jumys pen dırıjer Tatıana Ivleva qurǵan hordyń ádemi úılesiminiń arqasynda aımaqtyq jáne respýblıkalyq konkýrsta birinshi orynǵa ıe boldyq. Orys jáne qazaq tilderinde alty ánnen popýrrı usyndyq. Munda Abaı ánderi, Otan týraly patrıottyq ánder shyrqaldy»,-deıdi kvartet múshesi, Áýlıekól aýdany polıtsııa bóliminiń kadr saıasaty bólmshesiniń aǵa ınspektory Dınara Shakeeva.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT