+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Petropavlda daýyldan keıin 200-den astam úı jaryqsyz qaldy

2019 jylǵy 20 qyrkúıek 16:57
Bólisińiz:
Petropavlda daýyldan keıin 200-den astam úı jaryqsyz qaldy

PETROPAVL. QazAqparat – Soltústik Qazaqstan oblysynda soqqan qatty daýyl aǵashtardy qulatyp, júzdegen úı jaryqsyz qaldyrdy, dep habarlaıdy QazAqparat tilshisi.

Uqsas jańalyqtar

SQO Tótenshe jaǵdaılar departamentinde óńirdegi daýylǵa qatysty brıfıng ótkizildi. «Qazgıdromet» RMM oblystyq fılıalynyń dırektory Qymbat Merǵalymovanyń málimetinshe, daýyldyń turýyna Reseıden kelgen tsıklon sebep bolǵan.

«Soltústik-batystan soltústik shyǵysqa kóshken atmosferalyq aǵyn saldarynan oblysta naızaǵaı oınap, daýyl turdy. 20 qyrkúıekte túnde Taıynsha men Tımırıazev aýdandaryndaǵy meteostansalarda sekýndyna 30 metrge deıin jetken kúshti jel tirkeldi. Petropavl qalasynda jeldiń ekpini sekýndyna 25 metrge deıin jetti», - dedi Qymbat Merǵalymova.

TJD bastyǵynyń orynbasary Erik Sarybaevtyń aqpary boıynsha, daýyl Taıynsha aýdanyndaǵy bir mekteptiń 30 sharshy metr shatyryn julyp ketken. Keı aýdandarda jaryq sónip qalǵan. Elektr qýaty saǵat 18.00-ge deıin qalpyna keltirilmek. Petropavl qalasynda 200-den astam úı jaryqsyz qaldy. Bul týraly qala ákimi Bolat Jumabekov Facebook-tegi áleýmettik paraqshasynda málim etti.

«Daýyldan keıin tańerteń qalany aralap shyqtyq. Jambyl, Gorkıı, Maıakovskıı, Sennaıa jáne taǵy birqatar kóshelerdegi úıler jaryqsyz otyr. Shamamen 200-den astam úı. Qazirgi ýaqytta «SQREK» AQ kúshimen apattyń saldary joıyldy, birazdang soń keıin bul úılerge jaryq beriledi. Budan basqa oblys ortalyǵynda birneshe aǵash qulady. «Kommýnhoz» JShS birden iske kirisip, joldardy tazartyp jatyr. Sondaı aq «Apattyq qyzmet» kóshedegi jaryqtandyrýdy qalpyna keltirip jatyr», - dep jazdy Bolat Jumabekov.

Onyń pikirinshe, jaryqtyń sónip qalýyna qatty jelden symdardyń bir-birine tııýi sebep, sol sebepti energetıkter elektr berý jelilerin tekserip, symdardy qaıta tartýy kerek. Al, «Kommýnhoz» JShS qulaıyn dep turǵan aǵashtardy kesýdi qolǵa alady.

SQO-da qolaısyz aýa-raıy aldaǵy kúnderi de saqtalmaq.

«Jeldiń kúshi sekýndyna 25-28 metrge deıin jetýi múmkin. Tek senbi kúni birshama saıabyrsıdy dep kútilýde. Alaıda, jeksenbi kúni qaıtadan daýyl turady, jaýyn jaýyp, naızaǵaı oınaıdy. Qyrkúıektiń úshinshi on kúndiginde kún sýytady, temperatýra mınýs 1 gradýsqa deıin tómendeýi múmkin», - deıdi Qymbat Merǵalımova.

Buǵan deıin kúshti jeldiń Petropavl qalasynyń kóshelerinde aǵashtardy qulatyp ketkenin aıtqan bolatynbyz. Qutqarýshylar daýyldy kúnderi múmkindiginshe úıden shyqpaýǵa keńes beredi.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT