Petropavlda dámhanada úsh adamdy pyshaqtaǵan kúdikti sýıtsıd jasady
2022 jylǵy 27 maýsym 22:10

Petropavlda dámhanada úsh adamdy pyshaqtaǵan kúdikti sýıtsıd jasady

PETROPAVL. QazAqparat – Petropavldaǵy dámhanalardyń birinde demalýshylar arasynda janjal shyǵyp, saldarynan qalanyń úsh turǵyny aýyr jaraqattandy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, 11 maýsymda túnde polıtsııaǵa Petropavldaǵy Bereke yqshamaýdany Ybyraev kóshesiniń boıyndaǵy aýlada qalanyń úsh turǵynyna pyshaq salynǵany týraly shaqyrý tústi.

Kúdiktiler oqıǵa ornynan qashyp ketken. Zardap shekken 29, 32 jáne 34 jastaǵy qala turǵyndary aýrýhanaǵa jetkizildi.

Jedel is-sharalar barysynda polıtseıler 35 pen 43 jastaǵy kúdikti eki er adamdy anyqtady.

Atalǵan fakti QR Qylmystyq kodeksiniń 24-babynyń 3-bóligi, 99-babynyń 2-bóligi «Adam óltirýge oqtalý» boıynsha qylmystyq quqyq buzýshylyq belgileriniń quramymen Sotqa deıingi tergep-tekserýlerdiń biryńǵaı tizilimine engizildi.

Aldyn ala tergeý barysynda Petropavldaǵy dámhanalardyń birinde demalýshylardyń arasynda janjal týyndaǵany belgili boldy.

Kúdiktilerdiń biri Petropavl qalalyq polıtsııa basqarmasynyń ýaqytsha ustaý ızolıatorynda sýıtsıd jasady.

Atalǵan fakti QR Qylmystyq kodeksiniń 105-baby boıynsha tirkeldi.


Jańalyqtar

Úrdis

MURAǴAT