+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Petropavlda boıjetken qurbysyn aldap, onyń atynan nesıe rásimdegen

2019 jylǵy 30 shilde 11:41
Bólisińiz:
Petropavlda boıjetken qurbysyn aldap, onyń atynan nesıe rásimdegen

PETROPAVL. QazAqparat – Petropavlda boıjetken qurbysynyń qujattaryn ruqsatsyz alyp, onyń atynan ınternet arqyly nesıe alǵan, dep habarlaıdy QazAqparat tilshisi.

Uqsas jańalyqtar
Atyraýda ınternet alaıaqtyqqa qatysty 276 oqıǵa tirkeldi Qyzylordada 8 mln teńgeniń zattaryn qoldy etken urylar ustaldy Almatyda ózin polıtseımin dep tanystyrǵan alaıaq ustaldy

SQO Polıtsııa departamenti baspasóz qyzmetiniń habarlaýynsha, derbes derekterdi paıdalaný arqyly jasalatyn ınternet alaıaqtyq kúnnen-kúnge keń taralyp keledi.

Petropavl qalasynyń 19 jastaǵy turǵyny ınternet arqyly mıkrokredıttik uıymnan 22 myń teńgeniń nesıesin rásimdegen. Ol úshin qurbysynyń qujattaryn paıdalanypty. Keıin tanysyna týǵan-týystary aqsha jiberýi úshin onyń bank kartasynyń nómirin bergenin aıtqan. «Qurbysynan» qaskúnemdik kútpegen zardap shegýshi kartasyna túsken aqshany alyp beredi. Ótirik «qaryzdy tóle» degen habarlamalar kele bastaǵanda ǵana ashylypty.

«Bul jaǵdaıda qyzdyń qujattary páterde kózge kórinetin jerde jatqan. Alaıda kóp jaǵdaıda qaskúnemder óz qurbandarynyń derbes derekterin qashyqtyqtan alýǵa tyrysady. Internet arqyly kelisim jasaǵanda olar qujattardyń: jeke kýáliktiń, túbirtek, chekterdiń fotosyn jiberýdi suraıdy. Bulardyń árqaısysy sizdiń qarjyńyzǵa jol ashýy múmkin. Tipti jeke kýáliktegi fotonyń ózi nesıe rásimdeýge jetkilikti», - deıdi SQO PD Krımınaldyq polıtsııa basqarmasy bastyǵynyń mindetin atqarýshy Marat Jumalıev.

Tártip saqshylarynyń aıtýynsha, alaıaq ınternet arqyly taýar satyp alatyndyǵyn aıtyp, satýshyǵa telefonyna habarlama arqyly kelgen kodty aıtýdy suraıdy. «Kod - aldyn ala tólem jasaý úshin qajet» dep túsindiredi. Shyndyǵynda kodqa qol jetkizgen alaıaq onyń bank shotyna kirýge múmkindik alyp, ondaǵy bar aqshany sheship ala alady.

Internet alaıaqtyqtyń taǵy bir keń taraǵan túri – qymbat dúnıe, mysaly, páter alýshyny aldaý. Arzan páterge qyzyqqan satyp alýshy habarlasqasyn-aq, alaıaq óziniń shet elde júrgenin, páterdiń aqshasyn tolyq tólegen jaǵdaıda ǵana keletinin aıtady. Ol úshin satyp alýshy tolyq sommany óziniń kez kelgen týysqanynyń shotyna aýdaryp, túbirtektiń kóshirmesin salyp jiberýi qajet. Ony alǵasyn-aq qaskóı shottaǵy aqshaǵa álemniń kez kelgen bankinen esh qıyndyqsyz qol jetkizedi.

«Internet alaıaqtardyń qurbanyna aınalmaý úshin derbes derekterdi eshkimge aıtpaý kerek. Jeke kýáliktiń, bank kartalarynyń, túbirtekterdiń fotosýretterin eshkimge bermeńiz. SMS habarlama arqyly keletin kodtardy, jasyryn sózderdi, pın-kodtardy qupııa saqtańyz», - deıdi Marat Jumalıev.

SQO-da polıtseıler jyl basynan ınternet alaıaqtyq qatysty 29 qylmysty ashty.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT