Petropavlda boıjetken asa iri kólemde esirtki saqtaǵany úshin 3 jylǵa sottaldy
2022 jylǵy 5 shilde 20:59

Petropavlda boıjetken asa iri kólemde esirtki saqtaǵany úshin 3 jylǵa sottaldy

PETROPAVL. QazAqparat – Petropavlda 22 jastaǵy boıjetken asa iri kólemde esirtki saqtaǵany úshin 3 jylǵa bas bostandyǵynan aıyryldy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavl turǵyny ótken jyldyń qarasha aıynda jedel-izdestirý is-sharalary kezinde ustaldy. Esirtki qylmysyna qarsy is-qımyl basqarmasynyń qyzmetkerleri boıjetkennen temeki shegýge arnalǵan quraldar men kók tústi krıstall tárizdes zat salynǵan eki polımerlik túıinshekti tárkiledi. Saraptama alynǵan zattyń «alfa-PvP», ıaǵnı halyq arasynda «tuz» degen atpen belgili sıntetıkalyq esirtki ekenin kórsetti. Salmaǵy - 2,9 gramm, bul asa iri kólemge jatady.

Qazirgi ýaqytta boıjetken Qylmystyq kodekstiń 296-baby 4-bóligi «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha 3 jylǵa deıin bas bostandyǵynan aıyrý jazasyna kesildi.

«Jyl basynan osy bap boıynsha 4 fakti anyqtaldy. Esirtkige qatysty quqyq buzýshylyqtardy anyqtaý jáne jolyn kesý – esirtki qylmysyna qarsy is-qımyl jónindegi polıtsııa bólinisteriniń basym mindetteriniń biri. Jalpy 6 aıda oblysta esirtkige qatysty 109 derek tirkeldi, onyń 40-y satýǵa qatysty. Zańsyz aınalymnan 267 keli túrli esirtki zaty alyndy, onyń ishinde 1,4 kg astamy sıntetıkalyq esirtki», - deıdi SQO PD Esirtki qylmysyna qarsy is-qımyl basqarmasy bastyǵynyń mindetin atqarýshy Ivan Terzıdı.




Foto: polisia.kz

Uqsas jańalyqtar
Zańger Burhan Janseıitov ýaqytsha ustaý ızolıatoryna qamaldy
2022 jylǵy 10 tamyz 11:44

Zańger Burhan Janseıitov ýaqytsha ustaý ızolıatoryna qamaldy

ALMATY. QazAqparat – Almatynyń tergeý soty zańger Burhan Janseıitovke qatysty bultartpaý sharasyn úıqamaqtan ýaqytsha ustaý ızolıatoryna qamaýǵa aýystyrdy, dep habarlaıdy QazAqparat tilshisi.

«Almaty qalasynyń mamandandyrylǵan aýdanaralyq tergeý soty 9 tamyz kúni B. Janseıitovke qatysty úıqamaq túrindegi bultartpaý sharasyn qamaýǵa alýǵa ózgertý týraly sheshim qabyldady. Úıqamaq túrindegi bultartpaý sharasyn 2 aı merzimge qamaýda ustaýǵa ózgertý sanktsııalandy. Qamaý merzimi ustalǵan kezden bastap esepteledi. Qaýly zańdy kúshine engen joq», - dep habarlady qalalyq sottan.

Eske salaıyq, 15 shilde kúni Qarjy monıtorıngi agenttigi Almatyda zańger Burhan Janseıitovtiń ustalǵany týraly habarlaǵan bolatyn. 17 shilde kúni ol úıqamaqqa alyndy.

Al, respýblıkalyq advokattar alqasy zańger Burhan Janseıitovtiń advokat emes ekenin málimdedi.


2 kg gashıshti satý kezinde ustalǵan Petropavl turǵyny sottaldy
2022 jylǵy 10 tamyz 00:04

2 kg gashıshti satý kezinde ustalǵan Petropavl turǵyny sottaldy

PETROPAVL. QazAqparat – Soltústik Qazaqstan oblysynda jyl basynan beri esirtki saýdasyna qatysty 46 derek tirkelse, 22 adam bas bostandyǵynan aıyryldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Petropavl qalasynyń 35 jastaǵy turǵyny 11,5 jylǵa sottaldy. Ótken jyldyń qyrkúıek aıynda jedel-izdestirý sharalarynyń nátıjesinde er adam 2 kelige jýyq gashıshti satý kezinde «Taıga» saýda ortalyǵynyń janynda ustaldy. Esirtkiniń bul túri úshin asa iri kólem 200 gramnan bastalady.

Ustalǵan adam buryn múliktik qylmys jasaǵany úshin birneshe ret jazaǵa tartylǵan. Biraq budan ózine eshqandaı qorytyndy jasamasa kerek. Er adam bas bostandyǵyn shekteý jazasyna tartylǵanyna qaramastan esirtki satýmen aınalysqan. Sot bul faktini eskerip, esirtki qylmysy úshin kózdelgen merzimge urlyq jasaǵany úshin ótelmegen jaza merziminiń bir bóligin qosty. Endi ol jazasyn qaýipsizdigi barynsha joǵary mekemede óteıdi.

«Esirtkini satý – asa aýyr qylmystar sanatyna jatady, zańnamada bul qylmystar úshin qatań jaza qarastyrylǵan. Jyl basynan beri SQO-da esirtkini satqany úshin 22 adam sottaldy. Jalpy esirtki satýdyń 46 faktisi tirkeldi, olardyń 27 – asa aýyr, ıaǵnı birneshe ret, toppen jasalǵan, asa iri kólemde, t.b.. Zańsyz aınalymnan jalpy 300 keliden astam esirtki tárkilendi.

SQO PD Esirtki qylmysyna qarsy is-qımyl basqarmasynda 8 (7152) 39-72-16 senim telefony jumys isteıtini týraly eske salamyz. Senim telefony arqyly esirtkiniń zańsyz aınalymyna qatysy bar faktilerdi habarlaýǵa bolady. Sondaı-aq, polıtsııaǵa Instagram, Facebook áleýmettik jelilerindegi akkaýntar jáne «102» arnasy arqyly habarlasýǵa bolady. Azamattyq qoǵamnyń belsendi túrde kómek kórsetýi – esirtki bıznesine qarsy kúrestiń negizgi sharttarynyń biri», - deıdi SQO PD Esirtki qylmysyna qarsy is-qımyl basqarmasynyń bastyǵy Jandos Basybaev.


Shymkentte esirtki saýdalaǵan boıjetken 7 jylǵa bas bostandyǵynan aıyryldy
2022 jylǵy 9 tamyz 10:54

Shymkentte esirtki saýdalaǵan boıjetken 7 jylǵa bas bostandyǵynan aıyryldy

ShYMKENT. QazAqparat - Shymkent qalasy Ál-Farabı aýdandyq soty esirtki satýmen aınalysqan 27 jastaǵy azamatshaǵa qatysty úkim shyǵardy, dep habarlaıdy QazAqparat tilshisi.

Kúdikti sıntetıkalyq esirtki zatyn ótkizýmen aınalysqany úshin kináli dep tanyldy.

Ótken jyldyń maýsym aıynda 27 jastaǵy azamatsha «pırrolıdınovalerofenon» (α-PVP) esirtki zatyn polıetılen paketke salyp, 11 000 (on bir myń) teńgeden satyp júrgen jerinen ustalǵan bolatyn.

Bul derek boıynsha, QR QK-niń 297-baby 2-bóligi boıynsha (iri mólsherdegi esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizýge) qylmystyq is qozǵaldy. Keıinnen is sotqa joldanyp, onyń barysynda atalǵan azamatshanyń kinási tolyǵymen dálelin tapty.

«Kúdikti buǵan deıin Túrkistan oblysy Saıram aýdandyq sotymen QK-niń 296-baby 4-bóligimen (asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) 3 jyl 6 aı merzimge sottalǵany eskerilip, osy úkimmen taǵaıyndalǵan jazaǵa ishinara qosý arqyly túpkilikti 7 jyl merzimge bas bostandyǵynan aıyrý jazasy taǵaıyndaldy» - delingen Shymkent qalasy polıtsııa departamentiniń baspasóz qyzmeti taratqan aqparatta.


Jańalyqtar

Úrdis

MURAǴAT