+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Petropavlda bıyl 60 aýla jónge keltirilip, asfalt tóseledi

2021 jylǵy 8 maýsym 22:24
Bólisińiz:
Petropavlda bıyl 60 aýla jónge keltirilip, asfalt tóseledi

PETROPAVL. QazAqparat – Petropavlda bıyl 650 mln teńgege 60 aýla jónge keltirilmek. Asfalt tóselip, balalardyń oıyn alańdary salynady, dep habarlaıdy QazAqparat tilshisi.

Uqsas jańalyqtar

Petropavl qalasynyń ákimi Bolat Jumabekovtyń aıtýynsha, bıyl jalpy aýdany 84 myń sharshy metr bolatyn 60 aýlaǵa asfalt tóseledi. Bul maqsatqa bıýdjetten 650 mln teńge bólingen.

«Petropavlda 586 aýla bar. Sońǵy 4 jyldyń ishinde 436 aýlany jónge keltirdik. Áli 150-ine asfalt tóseý qajet.

Byltyr 621 mln teńgege 95 aýlany durystadyq. Bıyl kezekte 60 aýla tur. Turǵyndar qaı aýlanyń jóndeletinin qalalyq ákimdiktiń resmı saıtynan kóre alady. Ol jerde 128 aýla kezekke qoıylyp, tizimi jasaldy», - deıdi qala ákimi.

Aldaǵy úsh aıda 60 aýlaǵa balalardyń oıyn alańdary ornatylmaq. Byltyr bul jumystarǵa 144 mln teńge jumsalyp, 5 myń turǵyny bar 58 aýlada oıyn alańdary paıda boldy.

«Byltyr qala turǵyndarynyń demalys oryndaryn jónge keltirýge basymdyq berildi. 689 mln teńgege 8 saıabaq salynyp, kógaldandyryldy. Bıyl Brýsılovskıı kóshesin abattandyrý jumystary jalǵastyrylady.

Ýálıhanov, Jumabaev, Gorkıı kósheleriniń joldary jóndeledi. Krepostnaıa, Altynsarın jáne Gromova kóshelerinde jańadan jol salynady. 138 kóshege qıyrshyq tas tóseledi», - deıdi Bolat Jumabekov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT