+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Petropavlda bir kúnde 3 bala sýǵa kete jazdady

2019 jylǵy 2 tamyz 19:16
Bólisińiz:
Petropavlda bir kúnde 3 bala sýǵa kete jazdady

PETROPAVL. QazAqparat – Petropavlda qutqarýshylardyń qyraǵylyǵynyń arqasynda úsh jasóspirim ajaldan aman qaldy, dep habarlaıdy QazAqparat tilshisi.

Uqsas jańalyqtar
Atyraý oblysynda Jaıyq ózeninen eki adamnyń denesi tabyldy Qostanaılyq dárigerler muz astyna túsip ketken balanyń jaǵdaıyn aıtty Jitiqara qalasynda muz astyna túsip ketken eki bala kóz jumdy

SQO Tótenshe jaǵdaılar departamenti baspasóz qyzmetiniń habarlaýynsha, oqıǵa birinshi tamyzda bolǵan. Qutqarýshylar ádettegideı kisi kóp demalatyn Petropavldaǵy Esil ózeni jáne Pestroe kólindegi jaǵajaılarǵa kezekshilikke túsken.

«Kún ystyq, sol sebepti sýǵa shomylýǵa kelgen demalýshylardyń da qarasy qalyń boldy. Mundaıda ásirese balalardy kózden tasa qylmaý kerek. Keshki 18.00-der shamasynda úrlemeli matraspen kól shetinde júrgen 12 jáne 13 jasar eki bala oıynǵa berilip, qalaı sýdyń tereń jerine ketip qalǵanyn baıqamaı qaldy. Bir kezde qatty jel turyp, matrasty aýdaryp tastady. Eki bala sýǵa bata bastady», - deıdi oqıǵa ornynda bolǵan qutqarýshylar.

Jedel-qutqarý jasaǵynyń kezekshilikte júrgen mamandary Almas Jakın men Rýslan Asqapov balalarǵa kómekke umtyldy. Jasóspirimder aman-esen jaǵaǵa shyǵaryldy.

Osyǵan uqsas oqıǵa sol kúni kúndiz Esil ózenindegi qalalyq jaǵajaıda bolǵan. Sýda oınap júrgen 11 jasar qyzdyń úrlemeli sheńberin jel ózen ortasyna qaraı ushyryp áketken. Oıynshyǵynyń artynan júgirem dep bata bastaǵan qyzdy sol jerde kezekshilikte júrgen qoǵamdyq qutqarýshy Ádilet Júnisov pen jedel-qutqarý jasaǵynyń medbıkesi Mýrshıda Oboznova kórip qalǵan. Jetkinshek qutqarylyp, jaǵada oǵan alǵashqy medıtsınalyq kómek kórsetildi.

Oblystyń qutqarýshylary osydan birer kún buryn arnaıy shomylý quralynsyz sýǵa túsip, jaǵaǵa jete almaı bata bastaǵan eki jas qyzdy qutqarǵan edi.

Jalpy, jyl basynan óńirdegi sý aıdyndarynda 17 adam sýǵa ketip, qaza tapty.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT