Petropavlda bir kelige jýyq esirtki tasymaldaǵan júrgizýshi ustaldy

PETROPAVL. QazAqparat – Petropavlda júrgizýshi kýáligi joq turǵyn kólikpen bir kelige jýyq marıhýanany tasymaldap ustaldy, dep habarlaıdy QazAqparat tilshisi.

Uqsas jańalyqtar

Óskemen turǵynynan 2 mln teńgeniń esirtkisi tárkilendi

Ótken jyly elimizde qylmys kólemi 30% qysqardy 2021 jyly Qazaqstanda ýchaskelik ınspektorlar sany kóbeıedi Kóshelerde jedel kómek shaqyrýǵa arnalǵan «SOS túımeshigi» ornatylady

Soltústik Qazaqstan oblysy Polıtsııa departamentiniń málimetinshe, Esirtki qylmysyna qarsy is-qımyl basqarmasyna Petropavl turǵynynyń esirtkiniń zańsyz aınalymyna qatysy barlyǵy týraly jedel aqparat kelip túsken. Jedel-izdestirý is-sharalaryn júrgizý barysynda kólikpen kele jatqan 36 jastaǵy kúdikti Petropavl ortalyǵyndaǵy dúkenderdiń biriniń mańynda ustaldy.

«Avtokólikti tekserý kezinde oń jaq artqy otyrǵyshtan paket tabyldy. Onyń ishinde ózindik ıisi bar ósimdik zat salynǵan 15 polıetılendi túıinshek bolǵan. Sot-hımııalyq saraptama onyń marıhýana ekenin kórsetti. Jalpy salmaǵy - 994,40 gr», - deıdi SQO Polıtsııa departamenti bastyǵynyń orynbasary Rýslan Nazarov.

Ustalǵan buǵan deıin kólikti basqarý quqyǵynan aıyrylǵan eken, sondaı-aq onyń kólikke qatysty qujattary bolmaǵan. Er adam buryn sottalmaǵan, marıhýanany ózi qoldanbaq eken.

Atalǵan fakti Sotqa deıingi tergep-tekserýdiń biryńǵaı tizilimine «Іri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý» baby boıynsha engizildi.

Petropavl qalalyq sotymen oǵan 85 myń teńge kóleminde aıyppul salý týraly úkim shyǵaryldy. Budan bólek, QR Ákimshilik quqyq buzýshylyq týraly kodeksiniń «Qujattary joq jáne basqarý quqyǵy joq adamnyń kólik quralyn basqarýy» baby boıynsha ákimshilik quqyq buzýshylyq jeke óndiriske bólindi. Salynǵan aıyppul mólsheri 139 myń teńgeni qurady.

Jyl basynan soltústikqazaqstandyq polıtseıler zańsyz aınalymnan 400 kg astam túrli esirtki zatyn tárkiledi. Onyń 350 kg astamy marıhýana, al 1 kg 690 gramy – sıntetıkalyq esirtki, sondaı-aq 372 gr - geroın.