+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Petropavlda bir aı buryn joǵalǵan adam bank kartasynyń kómegimen tabyldy

2021 jylǵy 30 shilde 15:37
Bólisińiz:
Petropavlda bir aı buryn joǵalǵan adam bank kartasynyń kómegimen tabyldy

PETROPAVL. QazAqparat – Petropavlda 1 shildeden bastap habarsyz ketken 41 jastaǵy er adamnyń júrgen jeri bank kartasynyń kómegimen anyqtaldy, dep habarlaıdy QazAqparat tilshisi.

Uqsas jańalyqtar
SQO-da 35 jastaǵy er adam eki aıdan beri tabylmaı jatyr Qaraǵandy polıtseıleri 10 kún buryn joǵalyp ketken kásipkerdiń kóligin ǵana tapty Іz-túzsiz joǵalǵan 19 jastaǵy qostanaılyq boıjetkenniń denesi tabyldy

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavldaǵy Jumysshy kentiniń 41 jastaǵy turǵyny joǵalǵandyǵy jóninde onyń áıeli polıtsııaǵa aryzdanǵan. Er adam 1 shilde kúni úıinen ketip, telefonǵa jaýap bermegen.

Krımınaldy polıtsııa qyzmetkerleri jedel izdestirý jumystaryn bastap, er adamnyń tanystarymen, áriptesterimen, kórshilerimen sóılesti. Volonterler de kómekke kelip, petropavldyqtyń málimeti áleýmettik jelide jarııalandy.

Sol eki arada «102» kanalyna joǵalǵan er adamnyń bank kartasy arqyly Petropavldaǵy azyq-túlik dúkenderiniń birinde áıeldiń esep aıyryspaq bolǵany jóninde habarlama túsedi. Osy arqyly tártip saqshylary er adamdy aman-esen taýyp aldy.

Polıtseılerdiń aıtýynsha, er adam bir aı boıy qalada jáne qala mańyndaǵy aýylda tanystarynda bolǵan. Týystary telefon shalǵanda jaýap bermegen. Qazir er adam polıtsııa bólimshesine jetkizildi, onyń úıden ketýiniń mán-jaıy anyqtalyp jatyr jáne mundaı jaǵdaı qaıtalanbaýy úshin profılaktıkalyq áńgime júrgizilmek.

Jalpy SQO polıtseıleri jyl basynan joǵalǵan 220 adamdy izdedi. Olardyń 219-y bir kún ishinde tabylǵan.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT