Jańalyqtar  >
Petropavlda avtobýs pen manıpýlıator soqtyǵysyp, eki bala aýrýhanaǵa jetkizildi
2022 jylǵy 9 tamyz 22:23

Petropavlda avtobýs pen manıpýlıator soqtyǵysyp, eki bala aýrýhanaǵa jetkizildi

PETROPAVL. QazAqparat – Petropavlda baǵyttyq avtobýs pen manıpýlıator soqtyǵysyp qaldy, saldarynan qoǵamdyq kóliktiń eki jolaýshysy zardap shekti, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, jol-kólik oqıǵasy búgin shamamen saǵat 15.40 kezinde bolǵan.

Pestroe kóliniń mańynda Qojabergen jyraý kóshesinde «Foton» manıpýlıatory men «Yutong» baǵyttyq avtobýsy soqtyǵysyp qalǵan.

Manıpýlıatordyń ústindegi júk kótergishi kýzovqa bekitilmegen eken, saldarynan ol qozǵalyp ketip, qoǵamdyq kóliktiń artqy jaǵyn zaqymdady.

Avtobýsta jolaýshylar bolǵan, jol-kólik oqıǵasynda 17 jastaǵy jáne 11 jastaǵy eki bala zardap shekti.

Olar birden medıtsınalyq mekemege jetkizilip, dárigerlerdiń kómeginen keıin úılerine jiberildi.

Medıtsınalyq saraptama eki júrgizýshiniń de spırttik ishimdik ishpegenin kórsetti.

Polıtseılerdiń aıtýynsha, qazirgi ýaqytta osy derekke qatysty materıal jınalyp jatyr, keıin ol protsessýaldyq sheshim qabyldanýy úshin Petropavl qalasy polıtsııa basqarmasy ákimshilik polıtsııa bólimine jiberiledi.

Buǵan deıin SQO-daǵy árbir tórtinshi jol-kólik apatynda jaıaý júrginshilerdiń zardap shegetinin aıtqan edik. Bıyl óńirde 200-ge jýyq jol apaty boldy, 5 adam qaza taýyp, 45-i jaraqattandy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT