Petropavlda «aqyldy» qurylǵylar jol erejesin buzýdyń 700-den astam deregin tirkedi
2022 jylǵy 20 qańtar 20:50

Petropavlda «aqyldy» qurylǵylar jol erejesin buzýdyń 700-den astam deregin tirkedi

PETROPAVL. QazAqparat – Petropavlda 20 kúnniń ishinde avtomatty qurylǵylar arqyly jol erejesin buzýdyń 700-den astam deregi tirkeldi, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, kóktaıǵaq, kólik keptelisi kezinde asyǵystyq jáne kólik júrgizýshileriniń jol ústinde nemquraılyq tanytýy – qala ishindegi jol-kólik oqıǵalaryna sebep bolyp jatady. Júrgizýshilerdi tártipke salýǵa, olardyń jol júrisi qaǵıdalaryn buzbaýyna avtomatty tirkeý-baqylaý qurylǵylary da úlesin qosyp keledi.

Qazir Petropavldaǵy kóshelerdiń 7 jol aıryǵynda jol qozǵalysyn buzýdy avtomatty tirkeıtin júıe jumys isteıdi, oǵan 43 tirkeý kamerasy qosylǵan.

SQO Polıtsııa departamenti ákimshilik polıtsııa basqarmasynyń bastyǵy Serik Áljanovtyń aıtýynsha, kólik kóp júretin Astana-Internatsıonal, Nazarbaev- Abaı, J.Jabaev-Internatsıonal kósheleriniń qıylysynda úsh «Integra» júıesi ornatylǵan. «Integra» baǵdarshamnyń tyıym salynǵan belgisine ótip ketý jáne toqta syzyǵynan asyp ótýge qatysty ereje buzýshylyqtardy tirkeıdi. Ǵ.Músirepov-J.Jabaev, K.Sútishev-M.Jumabaev, J.Jabaev-Partızan jáne Nazarbaev-Internatsıonal kósheleriniń qıylysynda tórt «Mıraj» júıesi ornatylǵan. «Mıraj» júıesi de jol-kólik qozǵalysynyń óreskel buzýshylyqtaryn, atap aıtqanda: baǵdarshamnyń tyıym salynǵan belgisine ótip ketý jáne jyldamdyq asyrýdy tirkeıdi.

Jyl basynan avtomatty túrde jumys isteıtin baqylaý-tirkeý qurylǵylary 719 quqyq buzýshylyqty tirkedi. Al byltyr 6361 fakti osy «aqyldy» qurylǵylardyń kómegimen anyqtalǵan. Ákimshilik polıtsııa basqarmasynda avtomatty túrde tirkeý júıeleri jol qozǵalysy qatysýshylaryn tártipke keltirip, joldaǵy apattylyqty tómendetýge múmkindik beretinin atap ótti.

Byltyr SQO joldarynda 312 jol-kólik oqıǵasy tirkeldi, saldarynan 40 adam qaza taýyp, 419 adam jaraqat alǵan.


Jańalyqtar

MURAǴAT