+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Petropavlda 3 dárihanada dári baǵasy negizsiz qymbattap ketken

2020 jylǵy 14 shilde 19:56
Bólisińiz:
Petropavlda 3 dárihanada dári baǵasy negizsiz qymbattap ketken

PETROPAVL. QazAqparat – Soltústik Qazaqstan oblysynda dárihanalardyń qyzmeti qatań baqylaýǵa alynyp, kúndelikti tekserilip jatyr, dep habarlaıdy QazAqparat tilshisi.

Uqsas jańalyqtar
1 mln naýqasty qamtamasyz etetin dári-dármek satyp alynǵan SK-Farmatsııa COVID-19-dy emdeıtin dári-dármektiń 91 túrin satyp alǵan Qostanaı oblysyna dári-dármektiń kezekti partııasy jetkizildi

SQO Sybaılas jemqorlyqqa qarsy qyzmettiń málimetinshe, óńirde 303 dárhana bolsa, sonyń 106-sy Petropavlda ornalasqan. Olardyń árqaısysy sybaılas jemqorlyqqa qarsy qyzmet janynan qurylǵan jumys tobynyń baqylaýynda. Topqa oblystyq máslıhattyń depýtattary, qoǵamdyq jáne úkimettik emes uıymdardyń jáne múddeli memlekettik organdardyń ókilderi engen.

«Petropavl dárihanalaryndaǵy dári-dermektiń baǵasy men olardyń bar-joǵy tekseriledi. Elimizde vırýsqa qarsy preparattarǵa baǵanyń óskenin kórip otyrmyz. Sondaı-aq qoǵamdyq monıtorıng bul dárilerdiń jetispeýshiligin anyqtady», - deıdi Sybaılas jemqorlyqqa qarsy is-qımyl agenttiginiń SQO boıynsha departament jetekshisi Ernar Baıanǵazın.

Jumys toby barǵan dárihanalardyń biri – «Bıosferada» dári-dármektiń qymbattaǵany baıqalmasa da, ystyq túsiretin «paratsetamol» sııaqty suranysqa ıe preparattar tapshy.

SQO-nyń bas sanıtar dárigeri Serikbaı Qasmaqasovtyń aıtýynsha, suranysqa ıe jáne elimizde tapshylyq baıqalǵan 41 dári-dármekke oblysta kúndelikti monıtorıng júrgiziledi.

«Petropavl boıynsha 8 top qurylǵan. Olar dárihanalardy aralap, 41 dári-dármek boıynsha málimet jınaıdy. Biz bul preparattar boıynsha oblys ákimine jáne komıtetke esep beremiz. Úsh kúnniń ishinde úsh uıymda baǵanyń negizsiz óskeni anyqtaldy. Tórt dıstrıbıýtor boıynsha da tekseris júrgiziledi. Qazirgi ýaqytta preparattar boıynsha dúrlikpe suranys joq. Paratsetamol bolmaǵan jaǵdaıda, onyń ornyna ystyq túsiretin basqa dári-dármek bar», - deıdi Serikbaı Qasmaqasov.

Jaǵdaıdy turaqtandyrýǵa óńir turǵyndary da óz úlesin qosa alady. Dári-dármekke qatysty zańbuzýshylyqty baıqaǵan jaǵdaıda qoǵamdyq baqylaý kartasynyń 8 - 707 - 564 - 14- 24 telefon nómirine habarlasý qajet. Qazirgi tańda sybaılas jemqorlyqqa qarsy qyzmetke táýligine 10 shaqty osyndaı habarlama túsedi eken.

Eger dári-dármek baǵasyna kúmándansańyz, DARI.KZ qosymshasy arqyly nemese Adilet-ke kirip, Qazaqstan Respýblıkasy Densaýlyq saqtaý mınıstriniń bekitilgen buıryǵy arqyly teksere alasyz.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT