+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Petropavl turǵyny polıtsııaǵa birden 5 qarý tapsyrdy

2020 jylǵy 2 shilde 16:23
Bólisińiz:
Petropavl turǵyny polıtsııaǵa birden 5 qarý tapsyrdy

PETROPAVL. QazAqparat – Respýblıkada 1 shildede bastaý alǵan tirkelmegen qarýdy tapsyrý aktsııasynyń birinshi kúni Petropavldyń 4 turǵyny polıtsııaǵa birden 10 tegis uńǵyly qarýdy ótkizdi, dep habarlaıdy QazAqparat tilshisi.

Soltústik Qazaqstan oblystyq Polıtsııa departamenti baspasóz qyzmetiniń málimetinshe, Petropavl turǵyny polıtsııaǵa qarý-jaraq arsenalyn: ańshy myltyǵynyń tórteýin jáne bir sholaq myltyqty tapsyrdy. Aıtýynsha, qarý-jaraqtyń bárin jańadan satyp alǵan páterdiń jertólesin taýyp alǵan. Bastapqyda er adam bul oljany qaıda jibererin, ne isterin bilmegen. Ańshy-dosy oǵan polıtsııaǵa habarlasýǵa keńes beripti. Endi tártip saqshylary bul qarý-jaraqtyń qylmystarǵa qatysy bar-joǵyn tekseretin bolady.

Qala turǵyny tirkelmegen qarý-jaraqty tapsyrǵany úshin shamamen 300 myń teńgedeı syıaqy alýy múmkin. Naqty tólem saraptama júrgizilip, myltyqtardyń sanaty anyqtalǵannan keıin ǵana belgili bolmaq. Jalpy, qarý-jaraq úsh sanat boıynsha qabyldanady. Birinshisi – eń joǵary sanat – qarý minsiz bolýy qajet. Ekinshi sanatqa buryn qoldanysta bolǵan, atýǵa jaraıtyndary jatady. Úshinshisi – myltyq degen aty ǵana bar, ıaǵnı, isten shyqqan qarýlar. Qarýdyń tegis uńǵyly nemese ıir oıyqty bolýy da baǵaǵa áser etedi.

«Qaýipti indetke baılanysty dástúrli aktsııa bıyl qashyqtan júrgizilip jatyr. Qarýdy tapsyrý úshin polıtsııa bólimshelerine kelýdiń qajeti joq. 8 (7152) 49-37-43 nemese 8 (7152) 39-48-66 telefon nómirlerine habarlasý jetkilikti. «102» nómirine de telefon soǵýǵa bolady. Qarýdy da, ótinishti de alý úshin polıtsııa qyzmetkeri ózi keledi», - deıdi SQO Polıtsııa departamenti bastyǵynyń birinshi orynbasary Qanat Aıtbaev.

Tirkelmegen qarý qylmyskerler arasynda suranysqa ıe. Aktsııanyń maqsaty – mundaı qarýmen qylmys jasaýǵa jol bermeý. Byltyr aktsııa aıasynda soltústikqazaqstandyqtardyń 90-y 109 qarýdy jáne 5,6 mm 700 oq-dárini tapsyrdy. Olarǵa 6 mln teńge shamasynda tólem jasaldy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT