+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Petropavl turǵyny páterin gúl baǵyna aınaldyrǵan

2020 jylǵy 25 mamyr 19:51
Bólisińiz:
Petropavl turǵyny páterin gúl baǵyna aınaldyrǵan

PETROPAVL. QazAqparat – Petropavl turǵyny Anastasııa Annyń páterinde kózdiń jaýyn alatyn túrli-tústi gúlderdiń 30-dan astam túri bar, dep habarlaıdy QazAqparat tilshisi.

Uqsas jańalyqtar
Qyzylordada úshem dúnıege keldi 6 shilde. Týǵan kún ıeleri 6 shilde. QazAqparat kúntizbesi

Petropavl turǵyny Anastasııa Annyń páteri shaǵyn gúl baǵy ispettes. Qyzyl, sary, aq, kúlgin – túrli-tústi gúlder jyl on eki aı gúldep, ıesine kóz qýanyshyn syılaıdy. Anastasııanyń aıtýynsha, ósimdikter jaıqalyp ósýi úshin ony ýaqtyly sýaryp, topyraǵyn qopsytý, qorektendirý jetkiliksiz. Olarmen syrlasý qajet.

«Gloksınııa – súıikti gúlderimniń biri. Gúl ósirýdi qolǵa alýyma osy gloksınııa sebepshi boldy. Alǵash ret ony sińlimniń úıinde kórdim, óte unady. Ósirip, kóbeıtip kórdim. Asa kútimdi qajet etpeıdi. Keıin basqa gúlder paıda boldy. Keıbirin ózim arnaıy dúkenderden, tanystarymnan satyp aldym. Endi birin meniń hobbıimdi biletin dostarym syılap jatady. Jumystan sharshap kelgende, kóńil qoshym bolmasa gúlderimmen syrlasamyn. Ádemilik álemdi qutqarady dep beker aıtpasa kerek», - deıdi gúl ósirýshi.


Anastasııa SQO boıynsha qylmystyq-atqarý júıesi departamentiniń tyldyq qamtamasyz etý bólimshesiniń qarý-jaraq jónindegi aǵa ınspektory bolyp eńbek etedi. Ádilet maıory. Gúl ósirý – onyń súıikti isteriniń biri. Jumys kabınetinde de gúlder jaıqalyp ósip tur. Olar jaqsy kóńil-kúı syılaýmen qatar, bólmeniń aýasyn tazartady.

«Mende gloksınııanyń ǵana jeti túri bar. Gúlderi úlken, barqyt tárizdes, tústeri qoıý, qanyq keledi. Qońyraý tárizdes bul gúldiń eki tústileri de, sekpildisi de, jelbirshegi bary da kezdesedi. Óte ádemi», - deıdi Anastasııa An.


Anastasııada pelargonııa, shegirgúl, orhıdeıa, dratsena, fıkýs – árqaısysynyń birneshe túri bar. Qala turǵyny negizinen asa bapty qajet etpeıtin ósimdikterdi tańdaıdy eken.

«Ádette bizdiń jumysta bos ýaqyt bola bermeıdi. Sol sebepti qyzmetkerlerimiz súıikti isterimen kóbine zeınet demalysyna shyqqanda aınalysady. Al Anastasııa Vasılevna jumysynyń mańyzdylyǵyna qaramastan, gúlderine ýaqyt taýyp jatady. Ásirese qystygúni, aıazdarda kabınetindegi jaıqalǵan túrli-tústi gúlderdi kórip, lázzat alasyń», - deıdi SQO boıynsha qylmystyq-atqarý júıesi departamentiniń baspasóz hatshysy Mádına Erǵalıeva.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT