Petropavl qalasynyń ákimi otstavkaǵa ketti
2022 jylǵy 22 maýsym 10:12

Petropavl qalasynyń ákimi otstavkaǵa ketti

PETROPAVL. QazAqparat – Petropavl qalasynyń ákimi Bolat Jumabekov óz erkimen otstavkaǵa ketti, dep habarlaıdy QazAqparat tilshisi.

Petropavl qalasy ákimi otstavkaǵa ketkendigi týraly jazbany áleýmettik jelidegi jeke paraqshasynda jarııalady.

«Búgin men otstavkaǵa ketý týraly sheshim qabyldadym. Úsh jyl ishinde biz birlesip kóptegen synaqtardan óttik: karantın, qalanyń jabylýy, qańtardaǵy oqıǵalar, turǵyn úı kommýnaldyq-sharýashylyq jáne qurylys boıynsha kóptegen máseleler. Osy kezeńderde qalalyq ákimdiktiń barlyq komandasy ózderin kásibı jaǵynan kórsetti. Áriptesterge, kommýnaldyq kásiporyndarǵa, kásipkerlerge, PIK jáne menshik ıeleri birlestikteriniń tóraǵalaryna, depýtattarǵa, Qoǵamdyq keńes múshelerine, BAQ ókilderine, quqyq qorǵaý, densaýlyq saqtaý jáne bilim berý organdarynyń qyzmetkerlerine, sondaı-aq barlyq belsendilerge birlesken jumysy úshin jeke alǵysymdy jetkizemin», - delingen jazbada.

Maýsymnyń 10-y kúni Petropavl qalasynyń 270 jyldyǵy atap ótilmek. Shahar kúnine arnalǵan merekelik baǵdarlama jaıynda buǵan deıin aıtqan edik.

Aýqymdy baǵdarlama shildeniń ekinshi jeksenbisi kúni saǵat 11.00-de bastalyp, keshke merekelik kontsertpen aıaqtalmaq.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT