+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Petropavl qalasyn karantınge jabý máselesi qaralyp jatyr

2020 jylǵy 2 sáýir 13:51
Bólisińiz:
Petropavl qalasyn karantınge jabý máselesi qaralyp jatyr

PETROPAVL. QazAqparat – Soltústik Qazaqstan oblysynda eki eldi meken karantınge jabyldy. Qazir olardyń qataryna Petropavl qalasyn da qosý máselesi talqylanyp jatyr, dep habarlaıdy QazAqparat tilshisi.

SQO Taýarlar men kórsetiletin qyzmetterdiń sapasyn baqylaý departamenti jetekshisiniń orynbasary Tatıana Gorlovanyń aıtýynsha, óńirde koronavırýs ınfektsııasynyń taralýynyń aldyn alýǵa baılanysty tıisti jumystar atqarylyp jatyr. Alaıda halyq áli kúnge deıin bul indettiń qanshalyqty qaýipti ekenin túsinbeıdi. Mamandardyń nusqaýlaryn oryndap, qoldan kelgenshe úıden shyqpaý qajettigine mán bermeıdi.

«Kúnnen-kúnge indetti juqtyrǵandar sany artyp keledi. Qazir óńirde ınfektsııany jınaý kezeńi ótip jatyr dep aıtýǵa bolady. Odan keıin aýrýdyń shyńyna jetemiz. Keıin jaǵdaı turaqtalady. Bul - álemdik tájirıbe kórsetip otyrǵandaı, 2-3 aptaǵa sozylýy múmkin. Tek sodan keıin ǵana beti qaıta bastaıdy. Biz bul ınfektsııadan tez qutylǵymyz kelse mamandardy tyńdap, úıden shyqpaýymyz kerek. Sizder bizge úıde otyrý arqyly ǵana kómektese alasyzdar. Al eger usynystar oryndalmaǵan jaǵdaıda, bul aýrý eń keminde 2-3 aıǵa sozylýy múmkin», - deıdi Tatıana Gorlova.

Tatıana Gorlovanyń aıtýynsha, qala kóshelerinde áli de beısaýat júrgen adamdardy kezdestirýge bolady. Saýda oryndarynda da eki metr ara qashyqtyqty saqtamaıtyndar barshylyq.

«Qazirgi bizdiń mindetimiz koronavırýstyń oshaqtaryn anyqtap, onyń ári qaraı taralýyna jol bermeý. 65 jastan asqan adamdarǵa úılerińizden shyqpańyzdar deımiz. Deni saý, jas adamdar bul indetti juqtyrǵanymen, olardan aýrýdyń belgileri baıqalmaýy nemese jeńil túrde ótýi múmkin. Biraq ta olar ınfektsııany tasýshy retinde basqalarǵa qaýip tóndiredi. Sýyq tııýdiń belgileri bolǵan jaǵdaıda emhanaǵa kelýdiń qajeti joq, birden jedel járdem qyzmetin shaqyryńyzdar», - deıdi sanıtarlyq dáriger.

Qazir Petropavl qalasynda kúndelikti 183 kóshe jýylyp, dezınfektsııalanyp jatyr. Bul jumystarǵa 10 tehnıka bólingen.

«Qajet bolǵan jaǵdaıda dezınfektsııa jasaıtyn kúsh-quraldardy arttyramyz. Bul másele qazir talqylanyp jatyr. Qala kóshelerinen basqa, 400-ge jýyq trotýar, 420 aıaldama, gúlzarlar zararsyzdandyrylady. Qalaishilik baǵyttarda júrgen avtobýstardyń sanyn da azaıttyq. Biraq sizder úıde otyrýǵa tyryspasańyzdar, mamandardyń usynysyn oryndamasańyzdar – bul atqarylyp jatqan jumystardyń bári beker», - deıdi Petropavl qalasy ákiminiń orynbasary Vladıslav Lýkın.

Búginde arnaıy shtab Petropavl qalasyn karantınge jabý máselesin sheship jatyr.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT