+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Petropavl halyqaralyq áýejaıynyń bankrottyǵy: Jalaqy qaryzy qashan óteledi

2020 jylǵy 22 qazan 18:08
Bólisińiz:
Petropavl halyqaralyq áýejaıynyń bankrottyǵy: Jalaqy qaryzy qashan óteledi

PETROPAVL. QazAqparat – «Petropavl halyqaralyq áýejaıy» AQ-ny bankrot dep taný protsedýrasy bastaldy. Jergilikti bılik kompanııany kommýnaldyq menshikke alyp, memlekettik-jekeshelik áriptestikke bermek, dep habarlaıdy QazAqparat tilshisi.

Soltústik Qazaqstan oblysy Jolaýshylar kóligi jáne avtomobıl joldary basqarmasynyń basshysy Asqar Qylyshbaev búgin «Petropavl halyqaralyq áýejaıy» AQ bolashaǵyna qatysty suhbat berdi.

«Kredıtorlyq qaryzǵa baılanysty SQO mamandandyrylǵan aýdanaralyq ekonomıkalyq soty kompanııaǵa jaǵdaıdy ońaltýǵa 1 qazanǵa deıin ýaqyt berdi. Bul merzim ótkendikten, endi bankrot dep taný protsedýrasy bastaldy. Іsti júrgizý úshin qajet negizi múlik: qondyrý jolaǵy, termınal, qyzmet kórsetý tehnıkasy – munyń bári qazir Azamattyq avıatsııa komıtetiniń balansynda. Qazir bul múlikti memlekettik ıelikten SQO-nyń kommýnaldyq menshigine berý protsedýrasy júrgizilip jatyr. Bul nelikten istelinip jatyr? Keıin memlekettik-jekeshelik áriptestikke berip, ınvestorlardy tartpaqshymyz. Investıtsııa kásiporyndy jańǵyrtýǵa jumsalady. Bul – mundaǵy kórsetiletin qyzmet sapasyn arttyryp, naryqqa jańa «oıynshylardy» ákeledi degen úmittemiz. Materıaldyq-tehnıkalyq baza jaqsarady, qyzmetkerlerdiń eńbekaqysy ósedi. Bul is-shara – Petropavl halyqaralyq áýejaıyn saqtap qalý úshin jasalýda», - deıdi basqarma basshysy.

Asqar Qylyshbaevtyń aıtýynsha, áýejaı qyzmetkerlerine aı saıyn eńbekaqy tóleý úshin ǵana 5-7 mln teńge kerek.

«Áýejaı 2014 jyldan jekemenshik kompanııada boldy. Osy aralyqta onyń sapasy da, reıster sany da artqan joq. Áýejaı shyǵynsyz jumys isteýi úshin aıyna 64-ten 86-ǵa deıin reıs jasalýy kerek. Qazir bar-joǵy 20 reıs qana jasalady. ıAǵnı, aptasyna 3 reıs Almatyǵa jáne 2 reıs Nur-Sultan qalasyna bar. Reısterdiń jetispeýshiliginen kredıtorlyq bereshek qalyptasty, jalpy somasy 70 mln teńge shamasynda. Onyń ishinde eńbekaqy boıynsha qaryz da bar. Qyzmetkerlerdiń eńbekaqysy aı sońyna deıin beriletin boldy», - deıdi SQO Jolaýshylar kóligi jáne avtomobıl joldary basqarmasynyń basshysy Asqar Qylyshbaev.

Buǵan deıin «Petropavl halyqaralyq áýejaıy» AQ bankrot dep taný protsedýrasynyń bastalǵanyn aıtqan edik.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT