+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Petropavl halyqaralyq áýejaıy bankrot boldy

2021 jylǵy 15 maýsym 14:53
Bólisińiz:
Petropavl halyqaralyq áýejaıy bankrot boldy

PETROPAVL. QazAqparat – Petropavl halyqaralyq áýejaıy bankrot dep tanylyp, 109 jumysshynyń eńbekaqy boıynsha qaryzy 27,3 mln teńgege jetti, dep habarlaıdy QazAqparat tilshisi.

Uqsas jańalyqtar
SQO-da kelýshini teksermegen 50 shaqty kásiporyn Ashyq jobasynan shettetildi SQO-da muǵalimderdiń 96 paıyzy vaktsına aldy SQO-da tekserý júrgizilgen 40 joldyń 17-niń sapasy talapqa saı emes

«Petropavl halyqaralyq áýejaıy» AQ daǵdarystan shyǵar emes. Soltústik Qazaqstan kólik prokýratýrasynyń málimetinshe, 2020 jyldyń 28 jeltoqsanynda áýejaı mamandandyrylǵan aýdanaralyq ekonomıkalyq sotynyń úkimimen bankrot dep tanyldy. Bıyl 13 sáýirde sot úkimi zańdy kúshine endi.

«Búginde Petropavl halyqaralyq áýejaıyn oblys ákimdiginiń kommýnaldyq menshigine ótkizý rásimi júrgizilip jatyr. SQO boıynsha memlekettik kirister departamentiniń 2020 jylǵy 30 jeltoqsandaǵy №125 buıryǵymen bankrottyqty basqarýshy taǵaıyndaldy. Bankrottyqty basqarýshy taǵaıyndalýymen kásiporynnyń keıbir múlkine baǵalaý júrgizilip, 44 mln teńge somasynda boljamdy quny belgilendi. Oblys máslıhatynyń sheshimimen sonsha aqsha bólindi. Bul qarajat áýejaı jumysshylarynyń eńbekaqy boıynsha qaryzyn jabýǵa jumsalady», - deıdi Soltústik Qazaqstan kólik prokýrory Abylaıbek Ordabaev.

Eńbekaqy boıynsha qaryz máselesi burynnan bar. SQO ákimi Qumar Aqsaqalovtyń kómegimen ótken jyldyń qazan aıynan beri 8 transh júrgizilip, qaryzdyń 44 154 251 teńge somasy ótelgen. Qazir áýejaıdyń 109 jumysshysynyń qaryzy 27,3 mln teńgeni qurap otyr.

«Biz kólik kásiporyndarynda eńbek zańnamasynyń saqtalýyna únemi monıtorıng júrgizemiz. Áýejaıdyń ujymymen kezdesý uıymdastyryldy. Jumysshylarǵa áýejaıdyń qarjylyq jaǵdaıy, nysannyń ákimdiktiń kommýnaldyq menshigine ótetini túsindirildi. Qazirgi ýaqytta áýejaıdyń azamattarǵa qyzmet kórsetýi toqtatylýyna baılanysty shaǵymdar men aryzdar joq. Áleýmettik jaǵdaı birqalypty», - deıdi Abylaıbek Ordabaev.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT