+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Perınataldy ortalyq dırektory: Jaryq dúnıe esigin jylap ashqan náresteniń úni eń erekshe sát

2021 jylǵy 19 maýsym 13:28
Bólisińiz:
Perınataldy ortalyq dırektory: Jaryq dúnıe esigin jylap ashqan náresteniń úni eń erekshe sát

ÓSKEMEN. QazAqparat – Medıtsına qyzmetkerleri kúnine oraı QazAqparat tilshisine Semeı qalasyndaǵy Perınataldy ortalyq dırektorymen suhbattasýdyń sáti tústi.

Uqsas jańalyqtar
SQO-ǵa jumys isteýge 128 dáriger shaqyrylmaq ShQO-da 24 nysan «Ashyq» jobasynan shyǵaryldy ShQO-da polıtseıler aýyl shetinde ósip turǵan 3 gektar qarasorany órtep jiberdi

Arhat Daıyrbekov atqarylyp jatqan jumystar men medıtsına qyzmetkerleriniń tynys-tirshiligi jaıly aıtyp berdi.

- Óńirimizde medıtsına salasyna kóp kóńil bólinip, aýqymdy qarajat jumyldyrylyp jatqandyǵy belgili. Semeı shahary úshin bul turǵyda sońǵy jyldary aıtarlyqtaı ózgerister boldy ma ?

- Álbette. 2015 jyl Semeıdegi perzenthanalar úshin úlken ózgeris ákeldi. Úsh perzenthana Perınataldy ortalyqqa biriktirildi. Jańa zamanaýı jabdyqtar alyndy. Sodan beri osy ýaqytqa deıin ortalyqta 48 563 sábıdiń kindigi kesildi. Biz MÁMS sheńberinde júkti áıelderge, bosanǵandarǵa jáne jańa týǵan nárestelerge táýlik boıy mamandandyrylǵan statsıonarlyq kómek kórsetýdemiz. Sarapshylardyń júrgizgen monıtorıngi men taldaýy boıynsha mindetti áleýmettik medıtsınalyq saqtandyrý júıesi engizilgeli beri medıtsınalyq kómek kórsetý deńgeıi edáýir joǵarylap, qyzmetkerlerdiń jalaqysy ósken. Sondaı-aq qajetti jabdyqtar satyp alý deńgeıi de aıtarlyqtaı artty.

- Ortalyq ujymynyń jumysy jaıly aıtyp ótseńiz...

- Árbir medıtsınalyq mekeme qyzmetkeri bir úıdiń balasyndaı jumyla áreket etýi tıis. Ujymdy basqarý ońaı sharýa emes, bul úlken jaýapkershilik pen kásibı sheberlikti qajet etedi. Bizdiń aq halattylar bir jeńnen qol, bir jaǵadan bas shyǵaryp, jemisti eńbek etýde. Kúndelikti, asa aýyr jumysta tókken terleri patsıent aman-esen bosanǵanda bir-aq aqtalady. Jaryq dúnıe esigin jylap ashqan náresteniń úni eń erekshe sát. Sol kezde medıtsına qyzmetkerleriniń arqasynan bir júk túsip, kóńilderin qýanysh kerneıdi. Bizde bir patsıent bolǵanymen, eki adamnyń ómiri tur. Demek, áriptesterim kún saıyn adam densaýlyǵyn kúzetýde. Osy rette, akýsherlerdiń alar orny ózgeshe. Olar eń mańyzdy oqıǵa – jańa el azamatynyń dúnıege kelýine sep bolady. Áıeldiń baýyr eti balasyn qolyna alýy eń baqytty, esh umytylmas sátter.

- Aldaǵy ýaqytta qandaı josparlaryńyz bar ?

- Perınataldy ortalyq bazasynda «Katamnez jáne ońaltý» ortalyǵy ashylsa deımiz. Sebebi jyl saıyn osyndaı mekemeniń joqtyǵynan mamandarymyz túrli qıyndyqtarǵa tap bolýda. Eger ortalyq ashylsa shala týǵan nárestelerge medıtsınalyq-áleýmettik ońaltý tolyqtaı júzege asyrylyp, olardyń ómir súrý sapasyn qamtamasyz etý arqyly keıinge qaldyrylǵan perınataldy patologııa zardaptarynyń aýyrlyǵy tómendetiledi. Osyǵan oraı tıisti hat daıyndap, medıtsınalyq saqtandyrý qoryna joldadyq.


- Medıtsına qyzmetkerleri kúnine oraı áriptesterińizge aıtar tilegińiz qandaı ?

- Barlyq áriptesterimdi kásibı merekemen shyn júrekten quttyqtaımyn! Tehnologııa qanshalyqty damysa da, eń bastysy dárigerdiń biliktiligi bolyp qala bermek. Sizderge myqty densaýlyq, ıgi isterińizge sáttilik, otbasylaryńyzǵa bereke tileımin. El qamy úshin eńbek ete berińizder!

- Áńgimeńizge kóp rahmet!


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT