+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Pedagog mamandyqtaryna mektep túlekteriniń suranysy artady degen úmittemiz – JOO rektory

2020 jylǵy 5 qańtar 17:54
Bólisińiz:
Pedagog mamandyqtaryna mektep túlekteriniń suranysy artady degen úmittemiz – JOO rektory

NUR-SULTAN. QazAqparat – «Ustaz» ýnıversıteti brendimen tanymal Taraz memlekettik pedagogıkalyq ýnıversıtetiniń rektory Erjan Ámirbekuly jańadan qabyldanǵan «Pedagog mártebesi týraly» zańǵa qatysty pikir bildirdi, dep habarlaıdy QazAqparat tilshisi.

Uqsas jańalyqtar
Májilis depýtaty Jetisý memlekettik ýnıversıtetiniń ujymymen kezdesti Pedagog mártebesi týraly zańnyń oryndalýy qazaqstandyqtarǵa tikeleı baılanysty  - sarapshy Parlament pedagog mártebesine arnalǵan zańdy qabyldady

«Pedagog mártebesi týraly zańdy jalpy ustazdar qaýymynyń kópten kútkeni ras. Zańdy qabyldaý máselesi Elbasynyń halyqqa arnaǵan Joldaýynda kórinis tapqan edi. Sodan beri aýqymdy jumys júrgizilip, jalpy ustazdar qaýymynyń, arnaıy mamandardyń, zańgerlerdiń, Parlament depýtattarynyń qatysýymen 21 baptan turatyn arnaıy zań qabyldandy. Jańa zańnyń ustazdarǵa ashatyn múmkindikterin tórtke bólip qarastyrýymyzǵa bolady. Eń birinshiden, ustazdardyń quqyqtaryn keńeıtip, óz mindetine jatpaıtyn jumystardan bosatý máselesin qarastyrýǵa bolady. Bul ne beredi? Bul ózgeris muǵalimderdiń jeke qabiletterin jetildirýge jol ashaıyn dep otyr. Qazir zańǵa sáıkes, muǵalimderdi ózderine tán emes jumystarǵa tartý boıynsha jeke tulǵalar úshin de, zańdy tulǵalar úshin de aıyppuldar qarastyrylǵan. Aıyppul kólemi zańda naqty kórsetilgen», - dedi Erjan Ámirbekuly.

Ýnıversıtet rektorynyń aıtýyna qaraǵanda, ekinshiden muǵalimniń biliktilik deńgeıine qoıylatyn talaptardy kúsheıtý máselesiniń de mańyzy zor.

«Zańnyń ózi – Pedagog mártebesi bolǵandyqtan, mártebege baılanysty qoıylatyn talaptar bolýy kerek. Osy ýaqytqa deıin maman jetispegendikten, muǵalimdikke kez kelgen adamdy ala berýge múmkindik bolatyn bolsa, bul zańǵa sáıkes, arnaıy biliktilik talaptaryna saı azamattar ǵana muǵalim mártebesine sáıkestendiredi. Etıka máselesi keńinen qarastyrylǵan. Ádep ınstıtýty jumys júrgizetin bolady. Pedagogıkalyq etıkany buzǵan jáne oǵan saı emes azamattardy arnaıy Ádep komıssııasy qarastyryp, tıisti sheshim shyǵarady. Bul – jalpy pedagogtiń mártebesine qoıylatyn deńgeıdiń durystyǵyn kórsetedi. Sebebi, budan bylaı pedagog bolý – mártebeli jumys bolady. Al endi mártebesi jumysqa kóleńkesin túsirip, nuqsan keltiretin azamattardy bul qyzmetten shettetýdiń ózi durys baǵyt dep oılaımyn», - dedi ol.

Erjan Ámirbekuly yntalandyrýdyń materıaldyq sıpattan tys tetikterin de erekshe atap ótti. Onyń aıtýynsha, qazirgi tańda osy zańǵa sáıkes, pedagogterdiń balalaryna ózderiniń turǵylyqty jerinen birinshi kezekte balabaqshadan oryn berý máselesi – muǵalimniń jaǵdaıyna oń áserin tıgizbek.

«Odan bólek, kóptegen pedagogıka salasyndaǵy azamattar buryn 42 kún demalyp júrse, demalys kúnderi jańa zań boıynsha 56 kúnge uzartyldy. Qazirgi tańda buryn 56 kún eńbek demalysyna shyǵyp júrgenderden bólek, bul ózgeris taǵy 110 myń adamǵa qatysty bolady. Sonymen birge, pedagog qyzmetindegi er azamattardyń áskerge barý máselesi keıinge shegeriledi. Olardy áskerden alyp qalyp, ustazdyqpen alańsyz aınalysýǵa múmkindik beriledi. Sonymen qatar, endigi tańda aýyldy jerde eńbek etetin jas pedagogterdiń bárine úı salýyna arnaıy jer bólinip beriledi», - dedi rektor.

Ýnıversıtet rektory muǵalimder «Qazaqstannyń eńbek sińirgen ustazy» ataǵyna ıe bolsa, 1 000 AEK kólemindegi bir rettik yntalandyrý tólem beriletinin jetkizdi.

«Memleket basshysy Qasym-Jomart Toqaev byltyrǵy Tamyz konferentsııasynda bıyldan bastap aldaǵy 4 jylda ustazdardyń eńbekaqysy eki ese kóbeıetinin málim etken edi. Osy ózgeris – jalpy pedagogterdi yntalandyrýdyń birden-bir tetigi dep oılaımyz. Pedagogıkalyq ýnıversıtet retinde budan bylaı pedagogıka mamandyqtaryna mektep bitirýshiler tarapynan bıyldan bastap úlken suranys bolady degen oıdamyz. Sebebi, qazir kóptegen salada eńbekaqy turaqty bolǵanymen, qarqyndy ósimi baıqalyp turǵan joq. Dál osy pedagogıka salasyna eńbekaqy tórt jylda eki ese kóterilmek. Zańǵa sáıkes, muǵalimderge kóptegen múmkindiktiń berilýine baılanysty mektep bitirýshiler ishinde alǵyr, ozyq balalardyń pedagogıkalyq mamandyqtarǵa kóptep bet burar degen úmitimiz bar», - dedi ol.

JOO rektory jańa zańnyń kúshine enýimen magıstr dárejesin alýǵa nıetti jastardyń kóbeıetine senimdi. Óıtkeni, jańa ózgeristerge saı, magıstr dárejesin alǵan ustazdyń aılyǵyna aı saıyn 10 AEK kóleminde (26 myń teńgeden astam) qosymsha aqy tólenbek.

Eske sala ketsek, ótken jyldyń 30 jeltoqsanynda Prezıdent «Pedagog mártebesi týraly» zańǵa qol qoıǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT