Pedagog mamandyǵynda oqyp júrgen stýdentterdiń tájirıbeden ótý tártibi qaıta qaralady
2022 jylǵy 15 tamyz 14:58

Pedagog mamandyǵynda oqyp júrgen stýdentterdiń tájirıbeden ótý tártibi qaıta qaralady

NUR-SULTAN. QazAqparat – Pedagog mamandyǵy boıynsha ýnıversıtette oqyp júrgen stýdentterdiń mektepterde tájirıbeden ótý tártibi qaıta qaralady. Bul týraly Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Tájirıbeden birinshi kýrstan bastap ótkizýdi uıymdastyryp otyrmyz. Birinshi kýrstan bastap ótkeni jaqsy, biraq ony ótkizý barysyna qatysty suraqtar bar. Máselen, stýdent tájirıbeden óziniń týǵan aýylyndaǵy shaǵyn jınaqty mektepten ótýge ótinish bildiredi. Óz kezeginde ýnıversıtet bul ótinishke kelisimin beredi. Bul mektepte tıisti deńgeıde tálim-tárbıe beretin adam bar ma? Óıtkeni jas mamandy kásiptik tájirıben ekiniń biri ótkize almaıdy. Ol jerde qandaı ádister bar, onymen kim qalaı jumys isteıtinine eshkim mán berip otyrǵan joq. Sondyqtan týǵan jerindegi mektepten tájirıbeden ótken kezde oǵan tıisti tálim beretin adam bolmasa, odan qandaı sapa talap ete alamyz», - dedi A. Aımaǵambetov Respýblıkalyq tamyz konferentsııasynyń paneldik sessııasynda.

Osy oraıda mınıstr bul baǵyttaǵy tártipke qazirgi kezde ózgertý engizilip jatqanyn aıtty.

«Biz jumys berýshi retinde tıisti talaptardy qoıamyz. Bul turǵyda tájirıbeni basqasha ótkizý kerek. Tájirıbeden óte alatyn mektepterdiń ólshemderin qoıý eskerilgen. Sebebi mektepte muǵalimder men ádiskerler bar bolsa, bul oqý ornynda tájirıben ótip, úırenýge bolady. Sondyqtan ýnıversıtetterde oqyp jatqan stýdentterdiń tájirıbeden ótýge barýdyń ózi basqasha qaralady», - dedi vedomstvo basshysy.

A.Aımaǵambetov jas mamandar mektepte toltyrylatyn qujattardy, baǵalaý júıesin, ıaǵnı oqý ornynda reformalar jaıynda jan-jaqty bilýi kerek ekenin atap ótti.


Seriktester jańalyqtary

Jańalyqtar

Úrdis

MURAǴAT