+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Pavlodarlyqtar qurylys nysandarynyń tıimsiz jerge salynyp jatqandyǵyna shaǵymdandy

2019 jylǵy 22 qazan 23:21
Bólisińiz:
Pavlodarlyqtar qurylys nysandarynyń tıimsiz jerge salynyp jatqandyǵyna shaǵymdandy

PAVLODAR. QazAqparat - Pavlodar qalasynyń alty bastamashyl tobynyń ókilderi qurylys nysandarynyń tıimsiz jerde salynyp jatqandyǵyna shaǵymdandy, dep habarlaıdy pavlodarnews.kz.

Uqsas jańalyqtar
Pavlodar oblysynda qurylysy 10 jylǵa sozylǵan sý qubyry paıdalanýǵa berildi Almatynyń arhıtektýralyq kelbeti birkelki úlgige kóshedi Túrkistan oblysynda kópsalaly medıtsınalyq ortalyqtyń qazyǵy qaǵyldy
Sondaı nysandardyń biri - Korolenko kóshesi, 4/1 mekenjaıynda boı kóterip jatqan bıznes ortalyǵy. Búgin «Nur Otan» partııasynyń oblystyq fılıalynda azamattardy jeke máselelerimen qabyldaǵan oblys ákimi Bolat Baqaýov «Eggocom» JShS jobalyq uıymynyń ókili Vladımır Tereshkovty tyńdap, máseleni sheshýge ýáde berdi. Ótken senbi kúni aımaq basshysy qalany aralaý kezinde daýly nysannyń qurylysyna barǵan. Osy nysan boıynsha jobany ázirlegen jobalaý uıymynyń ókili Vladımır Tereshkovtyń aıtýynsha, turǵyndarmen birneshe ret kezdesip, baılanysqa shyǵýǵa tyrysqan. Tipti, alańdy abattandyrý jobasyn ázirleýdi usynǵan, óıtkeni tapsyrys berýshi aýlany abattandyrýǵa, jaryqtandyrýǵa jáne sáýlet nysanyn qoıýǵa daıyn bolǵan. Biraq turǵyndar bas tartqan. - Búgingi kúni barlyq qajetti ruqsat berý qujattary bar, - deıdi Vladımır Tereshkov. - 150 mln teńge qarjy jumsalǵan ǵımarat qurylysyn jalǵastyrý úshin eshqandaı kedergi kórip otyrǵan joqpyn. Sáýletshimen kelisilgen jobadan bastap, mór men qol qoıylǵan jer jumystaryn júrgizýge ruqsatnama, sý arnasy men turǵyn úı-kommýnaldyq sharýashylyq ókilderiniń ruqsat qaǵazy, ıaǵnı barlyq múddeli organdarmen qajetti kelisimder bar. Jobalaý uıymynyń ókili oblys ákimdigi men oblystyq memlekettik sáýlet-qurylys baqylaý basqarmasy qurylys júrgizýge múmkindik beretin talon qujatyn bergenin aıtady. Atalmysh nysan boıynsha 2018 jyly turǵyndar tarapynan prokýratýraǵa jer ýchaskesin bólýdiń jáne osy qurylystyń zańdylyǵy týraly taldaý men monıtorıng júrgizý týraly usynys túsken. Sot talqylaýynyń nátıjesi boıynsha Joǵarǵy sottyń zańdylyqty rastaý týraly qaýlysy shyqqan. Oǵan qosa, uıym ókili osy jyly TJ basqarmasynyń mamandary tekserý júrgizgenin atap ótti. Tekserý barysynda buzýshylyqtyń joqtyǵy týraly akti shyǵarylǵan. - Biz úı aýmaǵynda qurylystyń salýyna qarsymyz, - deıdi bastamashyl toptyń ókili, Korolenko kóshesi, 4-shi úıdiń turǵyny Anjelıka Vasıleva. - Qazir salynyp jatqan ǵımarattyń árleý jumystary júrip jatyr. Terezeden qarasaq, qurylys ómirin baıqaımyz, al qurylysshylar bizdiń ómirimizdi baqylap otyrady. Óıtkeni terezeler arasynda tek bes metr qashyqtyq bar. Taǵy bir belsendi – Elena Beret ǵımarattyń araqashyqtyǵy qabyrǵadan-qabyrǵaǵa deıin emes, bes qabatty balkonnan ǵımarattyń kireberisine deıin dep esepteıdi. Bul jaǵdaıda qashyqtyq tek 3,5 metr bolady, al qurylys normalary men erejeleri boıynsha 7 metr bolýy tıis. Alaıda jobalaýshy jýrnalısterge resmı túrde eshqandaı ereje men QNjE buzylmaǵanyn jáne ǵımarattar arasyndaǵy qashyqtyq 7 metr ekenin málimdedi. Uıym ókili 12 aǵashtyń ornyna 60 aǵash otyrǵyzatynyn aıtty jáne búgingi kúni segiz shyrsha egilgen. Kásipker bul maqsatqa 180 myń teńge aýdarǵan. - Jobada butalar men aǵashtar otyrǵyzylatyn irgeles aýmaqty odan ári kógaldandyrý qarastyrylǵan, - deıdi Vladımır Tereshkov. - Sonymen qatar, biz qoldanystaǵy ǵımarattyń aınalasyndaǵy aýmaqty abattandyrýdan basqa, №6, 4, 2 úılerdiń irgeles aýmaǵyn da jaqsartýdy, shaǵyn sáýlet nysandary bar jaıaý júrginshiler alleıasyn qurýdy, irgeles ǵımarattardyń qasbetterin jóndeýdi, jaryqtandyrýdy jáne boıaýdy josparlap otyrmyn. Men qalanyń damýyna óz úlesimdi qosqym keledi. Adamdardyń nelikten buǵan qarsylyq bildirip jatqany túsiniksiz.
Bizdiń kanalymyzǵa jazylyńyz:

Basty sózder: Pavlodar oblysy, Qurylys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT