+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Pavlodarlyq polıtseıler aıazda jolda qalǵan Túrkııa azamatyna kómektesti

2021 jylǵy 17 qańtar 15:32
Bólisińiz:
Pavlodarlyq polıtseıler aıazda jolda qalǵan Túrkııa azamatyna kómektesti

PAVLODAR. QazAqparat – Pavlodar oblysy polıtsııa departamentiniń bastyǵy Nurlan Másimovtiń atyna Túrkııa azamaty Samsýn Aqǵabattan alǵys hat kelip tústi. Onda Reseıden Túrkııaǵa júk apara jatqan Samsýn Aqǵabat kóliginiń solıarkasy qatyp, jolda qalǵan kezinde ózin qutqarǵan polıtsııa qyzmetkerlerine alǵys aıtqan, dep habarlaıdy Ravlodarnews.kz.

Uqsas jańalyqtar
Almatyda tutas aýdan jaryqsyz qaldy Elordanyń sol jaǵalaýyndaǵy dámhanadan órt shyqty Aqtaýda utys oıynyn uıymdastyrǵan bloger jazalana ma

Pavlodar oblysy polıtsııa departamenti patrýldik polıtsııa rotasy qyzmetiniń aǵa ınspektory Arman Ǵınaıatovtyń aıtýynsha, 16 qańtarda saǵat 03.20-da seriktesi Tóleýbaı Qudabergenovpen birge Pavlodar - Qyzylorda avtojolyn patrýldeý kezinde jol jıeginde turǵan «Mersedes» júk kóligin kórgen.

Júrgizýshi Qazgıdromet ortalyǵynyń eskertýine qaramastan, birneshe kún buryn Reseı Federatsııasynan Túrkııaǵa júkpen shyqqan.

«Er adam júkti ýaqtyly jetkizý kerek bolǵan soń jolǵa shyqqanyn aıtyp, aqtaldy. Kóliktiń solıarkasy qatyp qalǵan eken jáne qaıda habarlasý, júginý kerek ekenin bilmegen. Eki saǵattan astam ýaqyt turyp, tońyp qalǵan», - deıdi ol.

Tártip saqshylary Túrkııa azamatyn qyzmettik kóliktiń salonyna otyrǵyzyp, ystyq shaı bergennen keıin eń jaqyn dámhanaǵa aparyp, tamaqtandyrǵannan soń túneıtin oryn taýyp bergen. Ózderi kólikti jyly boksqa alyp ketti.
Polıtseılerge rıza bolǵan er adam olarǵa alǵys aıtyp, jumystaryna sáttilik tiledi.
Aıta keterligi, búgingi tańda oblys avtojoldarymen patrýldik polıtsııanyń 12 ekıpajy júredi. Olardyń mindeti - joldaǵy quqyq buzýshylyqtarǵa jol bermeý jáne jolda qalǵan júrgizýshiler men jolaýshylarǵa kómek kórsetý.
Pavlodar oblysynyń polıtsııa departamenti alys saparǵa shyqpaýǵa jáne aýa raıy men joldardyń jaǵdaıy týraly habarlamalardy eskerýge keńes beredi.
Jolda qıyn jaǵdaıǵa tap bolǵan jolaýshylar táýlik boıy ishki ister organdarynyń bólimshelerinen 102 nómiri boıynsha kómek suraı alady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT