+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Pavlodarlyq oqýshy Bolat Baqaýovqa tuzdy óńirdiń basty belgisi etýdi usyndy

2019 jylǵy 21 qarasha 19:49
Bólisińiz:
Pavlodarlyq oqýshy Bolat Baqaýovqa tuzdy óńirdiń basty belgisi etýdi usyndy

PAVLODAR. QazAqparat -Biryńǵaı azamattardy qabyldaý kúni aıasynda oblystyq ákimdikke óńir basshysymen kezdesýge 170-ten astam azamat keldi, dep habarlaıdy pavlodarnews.kz.

Uqsas jańalyqtar
Biryńǵaı qabyldaý kúni: 12 myńnan astam turǵynnyń aryz-shaǵymy tyńdaldy Qostanaıdyń bas polıtseıi turǵyndardyń máselesin sheshti Energetıka mınıstrligine kelgen azamat Almaty oblysynda gıdroelektr stansasy kaskadyn salýdy usyndy

Mektep oqýshysy Elıseı Resnıaskıı oblys ákimine tuzdy oblystyń geologııalyq beligisi etip bekitýdi jáne Ertis óńirindegi ár oqý ornynda týǵan jerge arnalǵan burysh ashýdy usyndy. №43 mekteptiń 4-synyp oqýshysy kezdesýge anasymen birge keldi. Ol birneshe jyldan beri ólketanýmen aınalysatynyn jáne jýyrda ǵana ólketaný boıynsha oblystyq baıqaýdyń jeńimpazy atanǵanyn aıtty. - Men sizden tuzdy Pavlodardyń basty geologııalyq belgisi etip bekitýińizdi suraımyn, - dedi Elıseı Resnıaskıı. – Óıtkeni osy mıneral qalamyzdyń damýyna múmkindik bergen bolatyn. Oǵan qosa, tuz óndirýshilerge arnalǵan eskertkish te bar. Buǵan eshqandaı qarjy ketpeıdi. Al, adamdar nege tuzdyń tańdalǵanyn bilý úshin qyzyqtap, tarıhty bilip shyǵatyn bolady. Sondaı-aq jas shákirttiń aıtýynsha, ár oqý ornynda týǵan jer buryshy ashylsa, balalar ózderi tapqan óńirdegi mıneraldy zattarmen tolyqtyratyn bolady.


Oblys ákimi mektep oqýshysynyń barlyq usynysyn qarastyratynyn aıtty. - Meniń eńbek jolymda maǵan kelgen eń jas usynys bildirýshi sensiń, - dedi Bolat Baqaýov. – Usynystaryń qaralatyn bolady. Týǵan ólkeńdi oılaıtynyń úshin alǵys aıtamyn. Alǵan betińnen taıma.


Ákimniń qabyldaýyna estý qabiletinen aıyrylǵan azamatsha da keldi. 3 jyl buryn estý qabiletinen aıyrylǵan Gúlsaıa Ámirovaǵa kohlearly ımplantat qajet. Bul – naýqastarǵa estýge kómektesetin medıtsınalyq aspap, protez. Aspap ótken jyly satyp alynǵanymen, aspapty ornatatyn ota memleket tarapynan kórsetiletin tegin qyzmettiń qataryna enbegen. Al, jasalatyn otanyń quny 5 mln teńgeden asady. - Biz 4 arnaıy kohlearly aspapqa tapsyrys bergenbiz, - dedi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Qaırat Nurmaǵambetov. – Olar bizge keler jyly tıedi. Solardyń biri Gúlsaıa Ámirovaǵa beriledi. Búginde Gúlsaıa Ámirova aýyldyq ákimdikte qoǵamdyq jumyspen aınalysady. Bolat Baqaýov oǵan basqa jumys usyndy. Mysaly, alıýmınıı dıskilerin shyǵaratyn «Vektor Pavlodar» JShS-da estý qabileti buzylǵan birneshe adam jumys istep, joǵary jalaqy alady.


Pavlodar oblysy ákiminiń qabyldaýyna barlyǵy 137 adam jazylǵan. Oǵan qosa, 40-tan astam adamnan jazylmaı Bolat Baqaýovpen kezdesýge kelgen. Qabyldaýǵa kelýshiler óńir basshysyna baspanamen qamtamasyz etý, alıment tóleý, medıtsınalyq qyzmet kórsetý týraly jáne basqa da suraqtaryn qoıdy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT