+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Pavlodardyń alıýmınıı zaýytyna zamanǵa saı eki súzgi ornatyldy

2020 jylǵy 26 qarasha 14:05
Bólisińiz:
Pavlodardyń alıýmınıı zaýytyna zamanǵa saı eki súzgi ornatyldy

NUR-SULTAN. QazAqparat – Pavlodar oblysynyń ákimi Ábilqaıyr Sqaqov aımaqtaǵy ekologııalyq ahýaldy jaqsartý josparyn bólisti, dep habarlaıdy QazAqparat tilshisi.

Uqsas jańalyqtar
Qostanaı oblysynda brakonerlermen kúresetin 8 mobıldi top quryldy Kóktemde bolýy yqtımal sý tasqynyna daıyndyq josparǵa saı júrip jatyr - Qazsýshar Kólsaı kólderi, Altyn Emel, Sharyn ulttyq parkterinde ınvestordy anyqtaýǵa ashyq baıqaý jarııalandy

«Shynynda da, Pavlodar oblysynda ekologııalyq baǵytta ótkir máseleler bar. Biz bul problemalardy sheshý úshin 4 baǵytta jumys júrgizemiz: birinshisi – ónerkásip kásiporyndarynyń shyǵaryndylaryn shekteý. Ekinshi blok – qatty turmystyq qaldyqtarmen jumys júrgizý baǵdarlamasy. Úshinshisi – kógaldandyrý jumysy. Tórtinshi blok – ekologııalyq máselelerdi kóterip júrgen azamattarmen ózara jumysty kúsheıtý», - dedi Ábilqaıyr Sqaqov OKQ-da ótken baspasóz máslıhatynda.

Ol sonymen qatar ekologııalyq keńes pen aımaqtaǵy kásiporyndarǵa jańa súzgi ornatý isine toqtalyp ótti.

«Bizdiń óńirde ekologııalyq keńes jumys istep tur. Taıaýda ǵana biz osy keńestiń otyrysyn ótkizip, tórt birdeı jumys tobyn qurdyq. Bul jumys toptary jergilikti atqarýshy organdarmen, aýmaqtyq organdarmen, Ekologııa, geologııa jáne tabıǵı resýrstar mınıstrligimen tyǵyz jumys júrgizedi. ERG kompanııalar tobynyń iri kásiporyndarynda shyǵaryndylardy azaıtýǵa baǵyttalǵan on jyldyq baǵdarlama júzege asyrylyp jatyr. Olar ózderiniń eskirgen súzgilerin jańǵyrtyp, olardyń ornyna gıbrıdtik jabdyqtardy ornatyp jatyr. Bul baǵytta qazirdiń ózinde nátıje bar – Pavlodardaǵy alıýmınıı zaýytynda eki birdeı súzgi ornatyldy. Osy gıbrıdti súzgiler syrtqa shyǵarylatyn shyǵaryndylardyń kólemin jylyna 2,4 myń tonnaǵa deıin azaıtady. Bul baǵdarlama 10 jylǵa deıin jalǵasady», - dedi ol.

Odan bólek óńirde kógaldandyrý jumysyna basa nazar aýdarylyp, kelesi jyldan bastap oblys ortalyǵynda bıiktiki 1,5-2 metrlik 20 myń túp aǵashty egý jumystary bastalady.

Bul baǵdarlamany Ekibastuz ben Aqsý qalalary da qolǵa alǵaly otyr. Osylaısha óńir bıligi qorshaǵan ortanyń lastaný máselesin birtindip retteýdi kózdep otyr.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT