Pavlodardaǵy aýyldardyń birine 750 bas asyl tuqymdy sıyr jetkizildi
2022 jylǵy 30 maýsym 06:19

Pavlodardaǵy aýyldardyń birine 750 bas asyl tuqymdy sıyr jetkizildi

PAVLODAR. QazAqparat - Bıyl óńirdegi Veselaıa roa aýylynda jalpy quny 2,8 mıllıard teńge bolatyn taýarly sút fermasy paıdalanýǵa berilgen, oǵan Avstrııa men Chehııadan 750 bas sútti, sımmental asyl tuqymdy iri qara mal ákelingen, dep habarlaıdy QazAqparat tilshisi.

Aımaqtaǵy Jelezın aýdanynyń ákimi Aıtýǵan Shaıhımovtiń aıtýynsha, qazirgi ýaqytta qunajyndardyń buzaýlaýy bastalǵan. Kún saıyn shamamen 2 tonna sút saýylady. Jobalyq qýattylyqqa shyqqan kezde bul kórsetkish jylyna 4 myń tonnaǵa jetetin bolady.

«Jalpy, sońǵy 3 jylda mal sanynyń jáne mal sharýashylyǵy ónimderin óndirý kóleminiń turaqty ósý úrdisi saqtalýda», - dedi Aıtýǵan Shaıhımov.

Aıta keteıik, buǵan deıin Pavlodarda qazaqsha bilim beretin alǵashqy mektep-lıtseı boı kótergenin málimdegenbiz. Onda sońǵy bes jylda memlekettik tilde bilim beretin mektepterdiń qatary artqan. Sonyń ishinde tórt aralas mektep tolyǵymen qazaq tiline aýysty.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT