+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Pavlodardaǵy aýyl muǵalimi óz qolymen 7 traktor qurastyrdy

2019 jylǵy 2 qarasha 16:05
Bólisińiz:
Pavlodardaǵy aýyl muǵalimi óz qolymen 7 traktor qurastyrdy

PAVLODAR OBLYSY. QazAqparat – Pavlodar oblysynyń shalǵaı aýyldarynyń birinde turatyn aýyl muǵalimi qoldan 7 traktor qurastyryp, shyǵardy, dep habarlaıdy QazAqparat tilshisi.

Janysov Berik Pavlodar oblysynyń eń shalǵaı aýyldarynyń birinde turady. Maı aýdanynyń Qaraterek aýyly oblys ortalyǵynan 200 shaqyrym jerde ornalasqan. Aýylda 1998 jyldan beri muǵalim bolyp jumys jasaıtyn Berik bul jumysyn eń birinshi qajettilikten týyndaǵanyn sosyn óziniń hobbıine aınalǵanyn aıtady.

«Kólik qurastyrýdy 1998 jyldan bastadym. Basynda qajettilikten týdy, ózińiz bilesiz aýylda qorany tazalaý, shóp jınaý degen sııaqty jumystar óte kóp ýaqytty alady. Sosyn bir kúni nege osyndaı jumystardy jeńildetetin qural jasamasqa degen oı keldi. Bári osydan bastaldy, ýaqyt óte kele ol meniń hobbıime aınaldy. Jumystan keıin osy ispen tyńǵylyqty aınalysamyn», - deıdi ol.


7 mını-traktor. Olardyń aıyrmashylyqtary qandaı?

Ónertapqysh muǵalim buǵan deıin 6 traktor qurastyrǵan.

«Osy ýaqytqa deıin alty mını-traktor jınadym ol kólikter ár túrli. Olardyń qyzmettik fýnktsııalaryn únemi ózgertip, jetildirýge tyrysamyn. Kóp múmkinshilikter qural-saımandardyń tabylýyna baılanysty bolyp jatady. Máselen, men ózim qurastyrǵan tehnıkalarǵa ZID, Moskvıchtiń dvıgatelderin qoldanamyn. Ár qurastyrǵan saıyn traktordyń tehnıkalyq múmkindikterin jetildire túsemin», - dep atap ótti muǵalim.

Osy kórsetilip otyrǵan 7 tehnıkanyń basqa qurastyrylǵan kólikterge qaraǵanda artyqshylyǵy kóp.

«Sońǵy qurastyrǵan kóliktiń basty ereksheligi jyldamdyǵy jáne ámbebaptylyǵynda jatyr. Ony qum tıeýge, shóp shabýǵa ári jınaýǵa, aýyr zattardy kóterýge paıdalanýǵa bolady. Shaǵyn traktordyń shóp shabatyn da quraly bar, ony jasap jatyrmyn. Bolashaqta tehnıkalyq tetikterin jetildirip, kabınka jasap salsam ba dep oılastyrýdamyn», - dedi ónertapqysh.

Jalpy qoldan traktor qurastyrýǵa 3-6 aı ýaqyt jumsalady eken.

«Meniki sııaqty shaǵyn kólikti (mını-traktordy) jınaý úshin shamamen 3-6 aı ketedi. Máselen sońǵy osy kórsetip jatqan mını-júk tıeýish traktordy jınaýǵa 3 aı ýaqyt jumsadym. Alaıda kópshilik jaǵdaı qural-jabdyqtardyń tabylýyna baılanysty bolady», - deıdi Berik Tókenuly.


Shaǵyn traktordyń baǵasy qansha turady?

«Kólikti jınaýǵa ár túrli kólemde qarajat kerek bolady. Keıbir bólshekterdi adamdardyń ózderi berip, solaı jasap bershi dep usynys aıtady. Al keıbireýin satyp alam. Ózimniń kólikterimde shveller, profıl, ýgolnıkterdi qoldanamyn. Biraq aýylda burynǵy materıaldar joqtyń qasy. Olardy izdep tabý kerek. Jalpy qurastyrylǵan kólik shyǵyny ártúrli. Traktordy qural-saımandar men eńbegimdi qosa eseptegende 800 myń men 1 mln teńge arasynda baǵalaımyn», - dep qosty ol.

Ónertapqyshtyń qolynan shyqqan shaǵyn traktorlar baý-baqshanyń shóbin jınaýǵa, shóp shabýǵa, qoradaǵy qoqystardy shyǵarýǵa, jınalǵan shópti kóterýge taptyrmas qural. Onyń ústine ol tehnıkalyq bólshekterdi sheber ári yńǵaıly etip qurastyrǵan. Aýyldasynyń ǵajaıyp, ári qoljetimdi traktorlaryn kórgender arnaıy kelip tapsyrys beredi. Jáne olardyń sany artýda.


«Iá adamdardan osyndaı kólikterge tapsyrystar óte kóp túsedi. Mysaly, shóp shabatyn traktordy 2009 jyly qurastyrdym. Ony 2014 jylǵa deıin ózim aýylda paıdalandym. Sosyn bir kásipker kelip satshy dep qolqa salyp bolmaǵan soń, bir qulyndy bıege bere saldym. Kóliktiń baǵasy qural- saımandardyń baǵasyna tikeleı baılanysty bolatyndyǵyn joǵaryda aıttym. Alaıda mende qatyp qalǵan baǵa joq, bastysy istegen isimniń adamdarǵa paıdasy tıgeni mańyzdy», - deıdi sheber.

Berik mektepte kórkem eńbek pániniń muǵalimi. Alaıda ol robototehnıka salasy boıynsha balalardy baýlýǵa kóp kóńil bóledi.

«Almas Muqataıov degen shákirtim bar. Ol balada qoldan neshe túrli kólikter jınaıdy, mysaly kvadrotsıkl jınap shyǵardy», - deıdi qosty ónertapqysh.





Bizdiń kanalymyzǵa jazylyńyz:

Bólisińiz:

Avtor:

Gúlsaıa Jaqan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT