-
ONLAIN:
Pavlodarda jarylǵan jylý jelisi qalpyna keltirildi

PAVLODAR. QazAqparat - Pavlodardaǵy jylý jelisi qalpyna keltirilip, jylý jiberý jumysy júrgizilip jatyr, dep habarlaıdy QazAqparat.
Pavlodar oblysy ákimdigi taratqan málimetke sensek, «Pavlodar jylý jelileri» JShS bir kún ishinde oblys ortalyǵyn jylýmen qamtyp, páterlerdegi temperatýrany qalypty deńgeıge jetkizýdi josparlap otyr.
28 qarasha kúni Pavlodar oblysynyń ákimi Ábilqaıyr Sqaqov birinshi jylý elektr ortalyǵyndaǵy apat saldaryn joıý barysyn tekserdi. «Pavlodar jylý jelileri» JShS ókilderi jylý júıesine ystyq sý jiberile bastaǵanyn habarlady.
- Qubyrǵa jiberilgen sý men jeldegi sý temperatýrasy teńelgen kezde, biz jylýdy úılerge jibere bastaımyz. Júıeni toltyryp, ony jylytý úshin bizge shamamen tórt saǵat qajet. Odan keıin biz JEO-3 qysymyn tómendetemiz, ýchaskelerdi birinshi jylý elektr stantsııasyna keri aýystyramyz, sonymen qatar osy stantsııadaǵy parametrler men qysymdy kóteremiz. Bastysy, biz qaladaǵy, syrttaǵy, úı ishindegi jylý qubyrlarynyń aıazda qatyp qalmaýyn qamtamasyz ettik, - dep habarlady kásiporyn basshysy Marat Imanaev.
Óńir basshysy qalpyna keltirý jumystarynyń qarqynyn báseńdetpeýdi tapsyrdy.
- Qala turǵyndary jylýdy kútip otyr. Qala tolyq jylýmen qamtylmaıynsha, qyzmetkerlerińiz shtattan tys jaǵdaı rejıminde jumys isteýi tıis,- dedi ákim.
«Pavlodar jylý jelileri» JShS oblys ortalyǵy 28 qarasha kúni keshke jylýmen tolyq qamtylatynyn atap ótti.
Eske sala keteıik, keshe Pavlodarda jylý jelisi jarylyp, kópqabatty úıler basqa jelige qosylǵanyn jazǵan bolatynbyz.
- Karantın: Ordabasyda 100 adamnyń basyn qosyp, kókpar bergen
- Qazaqstanda 27 myń naýqas koronavırýstan emdelip jatyr
- Qytaıda ushaqqa minetin kezde koronavırýs belgilerin jasyrǵan jolaýshy 1 jylǵa sottaldy
- Taraz turǵyny jasyryn oıyn bıznesin uıymdastyrǵan
-
Petropavlda júrgizýshi kýáligi joq mas adam júk kóligin aıdap áketpek boldy
-
Koronavırýs: Qazaqstan úshinshi kún qatarynan «qyzyl» aımaqta tur
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam