+7 (701) 759 90 19
USD 433.55 EUR 515.53
RUB 5.62 CNY 66.25
Jańalyqtar

Pavlodarda túrmedegi naýbaı analarǵa arnalǵan bálish pisirdi

2021 jylǵy 4 naýryz 22:23
Bólisińiz:
Pavlodarda túrmedegi naýbaı analarǵa arnalǵan bálish pisirdi

PAVLODAR. QazAqparat – Alty jyl buryn anasynan aıyrylǵan sottalýshy Aleksandr Greb barlyq áıelderge arnap qoıytylǵan sút qosylǵan bálish ázirledi, dep QazAqparat tilshisi habarlaıdy.

«Kele jatqan mereke aldynda mekemeniń áıelder qaýymyn qýantqym keldi, osylaısha barlyq analarǵa arnap bálish ázirleımin dep sheshtim. Mekeme ákimshiligi oıymdy qostady, bul meni odan ári shabyttandyra tústi, nátıjesinde qoıytylǵan sút qosylǵan tátti bálish ázirledim. Meniń iltıpatymdy áıelder qaýymy jaqsy baǵalaıdy dep úmittenemin. Anamnyń men pisirgen bálishten dám tatqanyn qatty qalar edim», - dedi 162/2 Pavlodar kolonııasynda jazasyn ótep jatqan Aleksandr Greb.

Pavlodar oblysy qylmystyq-atqarý júıesi departamentiniń baspasóz qyzmetiniń málimdeýinshe, Grebtiń anasy alty jyl buryn ómirden ozǵan, endi ony kórýge kele almaıdy. Aleksandr – Ekibastuz qalasynyń týmasy. Úıde ony kútip otyrǵan eki qaryndasy bar. Ol bir jyldan keıin túrmeden bosaıdy.

«Greb mekeme naýbaıhanasynda eńbek etedi, munda kúnine 250 nan pisiriledi. Jańa pisken ystyq nan jazasyn ótep jatqandardyń tańǵy asyna usynylady», - dedi QAJ departamentindegiler.

Naýbaıshynyń demalyp otyratyn kóp ýaqyty joq, sebebi ol bireýin bitirgende kelesi partııa úshin un ıleýge kirisýi kerek. Bul – kúnde qaıtalanady, deıdi departament ókili.

«Qys aıaqtalatyn merzim men úshin aýyrǵa soǵady, sebebi aldaǵy merekede meniń kóńil-kúıim túsip ketedi. Óıtkeni anańnyń tiri janyńda júrgeni úlken baqyt ekendigin oılaı bermeımiz. Jaqyn adamyń ómirden ótkennen keıingi jan aýrýyn emdeý múmkin emes. Onyń munshalyqty aýyr tıetinin bilmeppin. Anashym, kezinde júregińdi aýyrtqanym úshin keshirim suraımyn, meniń kóńilim máńgi qapaly», - deıdi A. Greb.

Departamentte otbasy, úıi, ata-analary qoǵamnan bólingen sottalǵandardyń, olardyń ishinde, ásirese, jastardyń uzaq jyldarǵa súıenishine aınalatyndyǵyn aıtty. Túrmedegilerge tamaq jetkizetin, kezdesýge keletin anasy olardy bostandyqta kútetin jalǵyz adam.

«Bizdiń ata-anamyz – eń úlken qoldaýshymyz. Olar – bizdiń ómirimizdiń ajyramas bóligi. Birnárse bolsa, biz árqashan ata-anamyzdyń aldyna keletinimizdi bilemiz. Olar bizge aqyl aıtyp, qandaı da bir isti qalaı durys jasaý kerektigin kórsetedi. Ata-anasyn joǵaltqan adam óz júregi men janynyń bólshegin joǵaltý qaıǵysy men muńymen tanys», - deıdi psıholog Mamyrgúl Jaıyqbaeva.

Psıhologtyń aıtýynsha, ata-anadan aıyrylǵan sátte adam ómirinde bári ózgeredi. 162/3 kolonııasynyń tárbıe jumysy jónindegi orynbasary Aıbek Órespaev mundaı sharalar sottalǵandarǵa áleýmettik paıdaly baılanysty bir qalypta ustap turýǵa, sonymen qatar bostandyqqa shyqqannan keıingi psıhologııalyq jaǵdaıyna oń áser etetindigin aıtty.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT