+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Pavlodarda «Tarıhtan taǵylym - ótkenge taǵyzym» atty halyqaralyq jobanyń sharalary ótti

2021 jylǵy 31 mamyr 16:42
Bólisińiz:
Pavlodarda «Tarıhtan taǵylym - ótkenge taǵyzym» atty halyqaralyq jobanyń sharalary ótti

NUR-SULTAN. QazAqparat –31 mamyrda Pavlodar qalasynda saıası qýǵyn – súrgin jáne asharshylyq qurbandaryn eske alý kúnine arnalǵan Qazaqstan halqy Assambleıasynyń «Tarıhtan taǵylym - ótkenge taǵyzym» atty jyl saıynǵy halyqaralyq jobasynyń is-sharalar kesheni ótti, dep habarlaıdy QazAqparat.

Uqsas jańalyqtar
1700-den astam áıel saıası sebeptermen sottalyp, aqtalmaǵan Qyrymbek Kósherbaev Saıası qýǵyn-súrgin qurbandaryn aqtaý jónindegi komıssııanyń otyrysyn ótkizdi

Іs-sharaǵa Qazaqstan halqy Assambleıasy tóraǵasynyń orynbasary M.Ázilhanov, Pavlodar oblysynyń ákimi A.Sqaqov, QR Parlamenti Májilisiniń depýtattary V. Nabıev, N. Dementeva, ortalyq memlekettik organdardyń, halyqaralyq uıymdardyń ókilderi, ǵylym jáne mádenıet qaıratkerleri, sarapshylar, qoldanbaly etnosaıası zertteýler ınstıtýtynyń lektorlary, QHA ǵylymı-sarapshylyq keńesiniń kafedralarynyń jastar birlestikteriniń músheleri, deportatsııalanǵan jáne qýǵyn-súrginge ushyraǵan otbasylardyń urpaqtary qatysty.

«Qazaqstan Respýblıkasynyń Táýelsizdigi: tarıh jáne estelik» ǵylymı-praktıkalyq forým barysynda spıkerler QR Tuńǵysh Prezıdenti – Elbasy N.Á. Nazarbaevtyń saıası qýǵyn-súrgin jáne asharshylyq qurbandaryna qatysty tarıhı ádilettilikti qalpyna keltirýdegi rólin, jalpyulttyq toptastyrýshy tarıhı sanany odan ári saqtaý jáne taratý jáne tájirıbeni bolashaq urpaqqa berýde azamattyq sektor men memlekettiń kúsh-jigerin biriktirý qajettiligi jáne t.b. talqylandy.

Marat Ázilhanovtyń aıtýynsha «Tarıhtan taǵylym - ótkenge taǵyzym» jobasy tek Qazaqstannyń ǵana emes, búkil postkeńestik keńistiktiń shekarasynan asyp tústi. HH ǵasyrdaǵy totalıtarlyq deportatsııalar men repressııalardyń tragedııasy HHІ ǵasyrda búkil álemde ómir súretin mıllıondaǵan adamdardyń taǵdyrynda kórinis tabady.

QHA Tóraǵasynyń orynbasary tarıhı ádilettilikti qalpyna keltirý jáne ótkenniń qaıǵyly betterin obektıvti zertteý boıynsha jumystar búgingi kúni de belsendi júrgizilip jatqanyn atap ótti. El Prezıdenti Qasym-Jomart Toqaevtyń tapsyrmasy boıynsha saıası qýǵyn-súrgin qurbandaryn aqtaý jónindegi Komıssııa jumys isteıdi.

Saıası qýǵyn-súrgin jáne asharshylyq qurbandaryn eske alý, halyqtardy deportatsııalaý, 30-shy jyldardaǵy asharshylyq týraly estelikterden bizdiń elimizde uly dástúr-Alǵys aıtý kúni paıda boldy.

Forýmnyń plenarlyq otyrysynyń jalǵasynda sektsııalar jumysy aıasynda Qazaqstannyń ulttyq memlekettiliginiń qalyptasýy, HH ǵasyrdyń 20-30 jyldaryndaǵy asharshylyq, HH ǵasyrdyń 30-50 jyldaryndaǵy saıası qýǵyn-súrgin, Qazaqstandaǵy etnostardyń jer aýdarylýy, Uly Otan soǵysynyń tarıhy jáne t. b. máseleler talqylandy.

Sondaı-aq, bul kúni is-sharaǵa qatysýshylar saıası qýǵyn-súrgin qurbandary memorıaly men Júsipbek Aımaýytov eskertkishine gúl shoqtaryn qoıyp, tarıhı-qujattyq kórmeni aralady.

Aıta ketsek, «Tarıhtan taǵylym - ótkenge taǵzym» jobasy jalpyulttyq tarıhı sanany qalyptastyrýǵa, «Rýhanı jańǵyrý» baǵdarlamasynyń qundylyqtary qaǵıdattarynda qazaqstandyq biregeılik pen birlikti nyǵaıtýǵa baǵyttalǵan.

Halyqaralyq jobanyń is-sharalary 2010 jyldan bastap jyl saıyn ótkiziledi. Joba aıasynda birneshe ǵylymı-aǵartýshylyq kitaptar, monografııalar, derekti fılmder túsirildi. Qazaqstan Respýblıkasy Prezıdentiniń muraǵatymen birlese deportatsııa tarıhyna arnalǵan qujattar jınaǵynyń birneshe tomy jaryq kórdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT