+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Pavlodarda Naýryz qarsańynda «Kórshińmen kóje ish» jobasy bastaldy

2020 jylǵy 16 naýryz 14:48
Bólisińiz:
Pavlodarda Naýryz qarsańynda «Kórshińmen kóje ish» jobasy bastaldy

PAVLODAR. QazAqparat - Pavlodarda «Kórshińmen kóje ish» jobasy bastaldy. «JEBE» qoǵamdyq birlestigi Ulystyń uly kúni qarsańynda «Kórshińmen kóje ish» jobasyn júzege asyrýda, dep habarlaıdy QazAqparat pavlodarnews.kz portalyna silteme jasap.

«JEBE» birlestigi elimizdegi sońǵy jaǵdaılarǵa baılanysty kóktemgi merekelerdi otbasylyq deńgeıde toılaýdy usyndy.

«Elimizde mádenı sharalar toqtatylǵanymen, Ulystyń uly kúni otbasylyq deńgeıde atap ótilýi tıis, - deıdi «JEBE» QB tóraǵasy Danııar Jumádil. – Osy maqsatta birlestik músheleri ózderi turyp jatqan turǵyn úılerdegi kórshilerine Naýryz kóje taratyp, merekelik kóńil kúı syılaýda. Kópshilik oryndarǵa shyqpaı-aq, kúnde kórip júrgen kórshińmen de Naýryzdy toılaýǵa bolady. Sondyqtan bul jobamyzdy Kórisý kúninde bastap otyrmyz».

Birlestik tóraǵasynyń aıtýynsha, «Kórshińmen kóje ish» jobasy qazaqtyń qonaqjaılyq dástúrin, «Biz birgemiz» ustanymyn, ulttyq qundylyqtardy nasıhattaıdy. Alǵashqy bolyp bul jobany «JEBE» QB qurmetti tóraǵasy Jumabek Smanovtyń otbasy bastady. Kórshi otyrǵan ózge ult ókilderiniń shańyraǵyna baryp, jubaıy ázirlegen Naýryz kójeden dám tatqyzdy.

«Bizdiń Nursultan Nazarbaev dańǵyly, 35 mekenjaıynda nemis, orys, tájik, ýkraın, belarýs, qabarda-balqar, tatarlar men basqa da ult ókilderi turady. Kórshiler ózara tatý-tátti ómir súrýde. Dili men dinine qaramaı-aq uıymshyldyq tanytyp otyrady. Sol sebepti Ulystyń uly kúni qarsańynda naýryz kóje jasap taratý týraly usynys tastadym. Kórshiler birden qoldaý kórsetti. Ózge ult ókilderine ulttyq dastarhanymyzdaǵy taǵamdardyń daıyndalý ádisin túsindirip, dám tatqyzdyq», - deıdi joba avtory Janar Serikova.

Sonymen qatar, «Jebeniń jeńgeleri» jobasynyń tusaýy kesildi. Onyń aıasynda qoǵamdyq birlestik músheleriniń úıindegi jarlary, birlestikke múshe názik jandylar áleýmettik jeliler arqyly qazaqtyń ulttyq salt-dástúrlerinen kórinister tsıklyn bastady.

«Maqsatymyz – ulttyq qundylyqtarymyzdy nasıhattaý, salt-dástúrimiz ben ulttyq merekege kópshilik nazaryn aýdarý. Bul rette biz tusaý kesý, besikke bóleý, azan shaqyrý, quraq qurap, urshyq ıirý jáne ulttyq taǵamdarymyzdy daıyndap, beınerolık jasap, ony keńinen taratpaqpyz», - deıdi Danııar Jumádil.

Aıta keteıik, Memleket basshysynyń Jarlyǵymen koronavırýsqa baılanysty Qazaqstan Respýblıkasynyń barlyq aýmaǵynda 2020 jylǵy 16 naýryzdaǵy 08 saǵat 00 mınýt pen 2020 jylǵy 15 sáýirdegi 07 saǵat 00 mınýt kezeńinde tótenshe jaǵdaı engizildi.

Tótenshe jaǵdaı kezinde oıyn-saýyq, sporttyq jáne basqa da buqaralyq is-sharalardy, sondaı-aq jappaı adamdardyń jınalýymen otbasylyq, salt-dástúr is-sharalaryn ótkizýge tyıym salyndy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT