Pavlodarda mektep oqýshylary turǵyn úı terezesine oq atqan
2022 jylǵy 24 qańtar 13:55

Pavlodarda mektep oqýshylary turǵyn úı terezesine oq atqan

PAVLODAR. QazAqparat – Pavlodarda mektep oqýshylary turǵyn úı terezesine eki ret oq atty, tergeý júrip jatyr, dep habarlaıdy QazAqparat Pavlodarnews.kz saıtyna silteme jasap.

Oblystyq Polıtsııa departamenti baspasóz qyzmetiniń málimetinshe, 23 qańtar kúni saǵat 17:47-de 34 jastaǵy qala turǵyny polıtsııaǵa qońyraý shalyp, belgisiz bireýler onyń terezelerine oq atqanyn aıtqan. Jedel-tergeý toby oqıǵa ornyna dereý jetken. Tekserý barysynda eki oq atylǵany jáne saldarynan Buqar jyraý kóshesindegi úıdiń úshinshi qabatynda ornalasqan balkonnyń áınegi zaqymdalǵany anyqtaldy.
Polıtsııa qyzmetkerleri 13-15 jas aralyǵyndaǵy kámeletke tolmaǵan 7 balany ustady. Olar Pavlodar qalasynyń №№ 6, 16, 24, 29 jáne 34 mektepteriniń oqýshylary bolyp shyqty.
«23 qańtarda jasóspirimder dosyna kompıýterlik oıyndar oınaýǵa jınalǵan. Olardyń biri ózimen birge tapanshaǵa uqsas zatty alyp kelgen, ony tanysynan alǵan. Qyzyǵýshylyq úshin balalar balkonǵa shyǵyp, kezekpen oq atqan. Bul oqtyń biri polıtsııaǵa júgingen er adamnyń páteriniń balkon terezesine tıgen», - delingen habarlamada.

Qarý tárkilenip, saraptama taǵaıyndaldy. Sonyń nátıjeleri boıynsha kámeletke tolmaǵandarǵa qatysty protsessýaldyq sheshim qabyldanatyn bolady.
Aıta ketý kerek, balalardyń is-áreketteri úshin zańdy ókilderi jaýap beredi.


Jańalyqtar

MURAǴAT