+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Pavlodarda qulaǵan úıge irgeles ǵımarattyń qurylysy toqtatyldy

2021 jylǵy 18 maýsym 23:09
Bólisińiz:
Pavlodarda qulaǵan úıge irgeles ǵımarattyń qurylysy toqtatyldy

PAVLODAR. QazAqparat - Pavlodarda qulaǵan úıge irgeles ǵımarattyń qurylysy toqtatyldy. Tótenshe jaǵdaıǵa baılanysty taǵaıyndalǵan prokýrorlyq tekserý 30 kúnge deıin sozylady, dep habarlaıdy QazAqparat Pavlodarnews.kz saıtyna silteme jasap.

Uqsas jańalyqtar
Mýmbaıda qatty nóser saldarynan úı qulap, jeti adam qaza tapty ShQO turǵyndary jol boıynan jarylǵysh zat salynǵan qapshyqtar taýyp aldy Madagaskar prezıdentine qastandyqtyń joly kesildi

Toraıǵyrov kóshesi, 75/3 mekenjaıy boıynsha salynyp bitpegen ǵımarattyń janynda taǵy bir jańa qurylys ornalasqan. Sarapshylardyń aıtýynsha, eki ǵımarat ta bir turǵyn úı kesheni retinde qarastyrylady. Bul týraly Óńirlik kommýnıkatsııalar qyzmetinde ótken brıfıngte oblys ákiminiń birinshi orynbasary Oleg Krýk málimdedi.
- Bolǵan oqıǵanyń sebepteri anyqtalǵanǵa deıin qulaǵan úıdiń janynda ornalasqan ekinshi úıdiń qurylysy toqtatyldy, - dedi spıker.

Arnaıy qurylǵan komıssııa músheleri qulaǵan úıdi irgetasqa deıin tolyǵymen joıýdy talap etýge nıetti. Alaıda, aldymen tehnıkalyq tekserýdi jáne tótenshe jaǵdaıdy tergeý nátıjelerin kútý kerek.
Qala ákimdiginiń sáýlet jáne qala qurylysy bóliminiń basshysy Narıman Qaıyrlenovtiń aıtýynsha, úıdi jeke qurylys salýshy óz qarajatyna turǵyzdy.
Jer ýchaskesi Nur-Sultan turǵynyna tıesili. Ǵımaratty TOO «Myrza stroı» JShS Pavlodar uıymy jobalaǵan, onyń qaraýynda avtorlyq qadaǵalaý bolǵan. Qurylyspen «Elıt stroıservıs plıýs» JShS merdigerlik uıymy aınalysty, tehnıkalyq qadaǵalaýdy «Servıstehnadzor» JShS kompanııasy júrgizdi. Saraptama týraly qorytyndyny «Ekspertıza-PV» JShS berdi. Nysan tehnıkalyq turǵydan kúrdeli emes dep baǵalandy. Atalǵan qurylysqa qatysýshylardyń árqaısysynda tártippen barlyq qujattary men lıtsenzııalary bolǵan.
- Bizdiń málimetter bazasy boıynsha merdiger «Elıt stroıservıs plıýs» JShS-de qurylysta tájirıbesi joq. Ol bizdiń derekqorymyzda joq. Qalada 10-ǵa jýyq nysandy jeke fırmalar salady. «Elıt stroıservıs plıýs» JShS-merdiger esebinde basqa esh jerde joq. Bul uıymnyń bir jerde qosalqy merdigerlik bolýy da múmkin, biraq bizde derekter joq, - dedi Narıman Qaıyrlenov.

Esterińizge sala keteıik, aıaqtalmaǵan ǵımarat 17 maýsymda qulady. Salynǵan úsh qabattyń eki qabaty, árqaısysynda 60 sharshy metrden joıyldy. Ǵımarat qulaǵan kezde úsh jumysshy zardap shekti, Olardyń barlyǵy Ózbekstan azamattary. Ekeýi ortasha aýyr jaǵdaıda birinshi qalalyq aýrýhananyń polıtravma bólimshesine jatqyzyldy. Keıin belgili bolǵandaı, aldyn ala málimetter boıynsha, sheteldikter qurylysta zańsyz jumys istegen.
Avtoturaq ornynda tórt qabatty turǵyn úı paıda bolýy kerek edi. Bastapqyda ýchaske bir adamǵa tıesili bolǵan, al 2020 jyldyń qazan aıynda ony ekinshisi satyp aldy. Jańa menshik ıesi avtoturaqtyń ornyna kóp qabatty turǵyn úı salýdy sheshken.
Nátıjesinde bul beton negizi bar tórt qabatty kirpish úı bolýy kerek edi. Ár qabatta úsh páter, edender arasynda eki qabatty baspaldaqtar, kireberiste múgedekter arbasyna yńǵaıly pandýs jáne qasbettegi dınamıkalyq jaryqtandyrý josparlanǵan. Úıdiń janynda balalar oıyn alańyn, konteıner alańyn jabdyqtap, asfalt pen tóselgen tastar tósep, kógaldardy jabdyqtaý kózdelgen.
Qurylystyń barlyq qatysýshylary bul jaǵdaı úshin jaýapkershilikke tartylýy múmkin.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT