+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Pavlodarda kóp balaly 95 otbasy baspanaly boldy

2019 jylǵy 19 qarasha 22:05
Bólisińiz:
Pavlodarda kóp balaly 95 otbasy baspanaly boldy

PAVLODAR. QazAqparat – Pavlodarda «Baqytty otbasy» baǵdarlamasy aıasynda birinshi kezekte múgedek balalary bar nemese múgedek balalardy tárbıelep otyrǵan otbasylar men kóp balaly otbasylar baspana alýda, dep habarlaıdy pavlodarnews.kz.

Uqsas jańalyqtar
Eńbek mınıstri: 30 myń er adam jumys istemeı, AÁK-pen kún kórýde Jańa járdemaqy: Mınıstr derekter bazasy qalaı jasalatynyn túsindirdi Qazaqstanda kedeılik shegi eń tómengi kúnkóris deńgeıine deıin ulǵaıtylýy múmkin

Pavlodar qalasy qarjy bóliminiń sektor meńgerýshisi Aqerke Elamanovanyń málimdeýinshe, bıylǵy jyly Elbasynyń bastamasy boıynsha 2% jeńildik stavkasymen jáne 10% bastapqy jarnasymen «Baqytty otbasy» baǵdarlamasy iske qosyldy. Baspanaǵa qol jetkizgisi keletin jandardyń tólem qabilettiligin baǵalaýdan ótkizý úshin «Qazaqstan turǵyn úı qurylys jınaq banki» AQ-ǵa 348 joldama jibergen. - Onyń ishinde bank 162 ótinimnen ártúrli sebepter boıynsha bas tartty, - deıdi Aqerke Elamanova. - Al 186 ótinim qabyldandy. Onyń ishinde bıylǵy jyldyń 29 qarashasyndaǵy jaǵdaı boıynsha 175 ótinim maquldandy. Atap aıtqanda, bul 95 otbasynyń ishinde kóp balaly otbasylar sany - 18, tolyq emes otbasylar – 60 jáne 17 múgedek balalary bar nemese tárbıelep otyrǵan otbasylar ekinshi dárejeli turǵyn úılerden páter satyp aldy. Qarjy bóliminiń sektor meńgerýshisi 80 ótinish berýshi áli de páter izdeý ústinde ekenin atap ótti. Bank satyp alýǵa baspana tabý úshin 3 aı ýaqyt beredi.

«Baqytty otbasy» baǵdarlamasy boıynsha turǵyn úıge qol jetkizgenderdiń biri - 6 bala tárbıelep otyrǵan Janar Qarashasheva. Onyń tórteýi óziniki bolsa, ekeýi asyrap alǵan. - Bizde buǵan deıin óz baspanamyz bolǵan joq, - deıdi Janar Qarashasheva. Baǵdarlama óte jaqsy, basqasha biz páter satyp ala almas edik. Jańa páterimizde bir jarym aı ómir súrýdemiz. Balalar rıza, páter keń, aýmaǵy - 67 sharshy metr. Alty balaly otbasy úshin bul shaǵyn, biraq biz óte qýanyshtymyz. Jubaıym ekeýimiz de jumys istegendikten baǵasy qoljetimdi dep oılaımyn. 19 jyl aıyna 53303 teńgeden bólip tóleımiz. Biraq erterek, kem degende on jyl ishinde tolyq jabýǵa tyrysatyn bolamyz. Buryn jaldamaly páterde turyp júrgen otbasynyń eń kishkentaı balasy - ekide, úlkeni - 22 jasta. Jubaıy - qurylysshy, al Janar Qarashashevanyń ózi - «Samal» ońaltý ortalyǵynda pedagog. Ol bul mamandyq ózine jaqyn ekenin, óıtkeni óz balalarynyń densaýlyǵynda biraz qıyndyqtar bar ekenin aıtady. - Bar jınaǵan qarjymyzǵa úı saldyq, - deıdi kóp balaly ana. – Biraq ol kishkentaı boldy. Biz ony satyp, turǵyn úı qurylys jınaq bankine saldyq. Sol arqyly bastapqy jarnaǵa qol jetkizdik. Páter 11,5 mln teńge turdy. Baǵdarlama boıynsha biz páterdi 10 mln teńgege alýymyz kerek boldy. Úı ıesine 1.5 mln teńge qarajat berip, osy turǵyn úıge qol jetkizdik.

Aıta keteıik, qazirgi ýaqytta bank baǵdarlama boıynsha barlyq ótinimderdi qabyldady. Al jańa qujattardy qabyldaý toqtatyldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT