Pavlodarda kólik júrgizý kezinde telefon paıdalanǵan 1,5 myń júrgizýshi anyqtaldy
2022 jylǵy 4 shilde 18:17

Pavlodarda kólik júrgizý kezinde telefon paıdalanǵan 1,5 myń júrgizýshi anyqtaldy

PAVLODAR. QazAqparat - Pavlodar oblysynda kólik basqarý kezinde telefon paıdalanǵan 1,5 myń júrgizýshi anyqtaldy, dep habarlaıdy QazAqparat.

Aımaqtaǵy Polıtsııa departamentiniń málimetinshe, jyl basynan beri telefondy rýlde paıdalanýdy unatatyn 1 500 júrgizýshi belgili bolǵan.
«Mysaly, oblys ortalyǵynda Akademık Sátpaev kóshesinde tártip saqshylary Mercedes avtokóliginiń 35 jastaǵy júrgizýshisin toqtatty. Kólikten shyqqan júrgizýshiniń aıtýynsha, ol telefonmen «sóılespegen». Al dál osy kezde dıalogti onyń telefonynyń kelesi qońyraýy úzip jiberdi. Rýlde otyrǵan taǵy bir júrgizýshi Qaıyrbaev kóshesinde toqtatyldy. Bul joly Toyota kóligin aıdap bara jatqan qyz telefonmen sóıleskenin moıyndady. Ol mańyzdy qońyraý bolǵanyn jáne oǵan mindetti túrde jaýap berýi qajet bolǵanyn túsindirdi. Polıtsııa azamatshaǵa mundaı jaǵdaılarda kólikti toqtatýdy nemese daýys zoraıtqyshty qosýdy usyndy», - dep jazdy vedomstvodan.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT