Pavlodarda kezekti aýyl sharýashylyǵy ónimderiniń jármeńkesi ótti

PAVLODAR. QazAqparat - Bul joly Baıanaýyl jáne Sharbaqty aýdandarynyń fermerleri jármeńkege et ónimderin, Pavlodar aýdany men Aqsý aýyldyq aımaǵynan kókónister, sharbaqtylyq qus fabrıkasynan jumyrtqa jáne «Galıtskoe» ShQ shıki sút ákeldi, dep habarlaıdy pavlodarnews.kz.

Uqsas jańalyqtar

Tarazdaǵy jármeńkede ónimder naryqtaǵydan 10-20 paıyz tómen baǵada saýdalandy

Shyǵys Qazaqstan oblysy elordaǵa 225 mln teńgeniń aýyl sharýashylyǵy ónimderin ákeldi Elordada Aqmola oblysy aýyl sharýashylyǵy ónimderiniń jármeńkesi ótip jatyr 18,2 mln tonna astyq bastyryldy - QR Aýyl sharýashylyǵy mınıstri

Oblystaǵy ara ustaýshylar baldyń ondaǵan sorttaryn satylymǵa shyǵardy. Sondaı-aq, jármeńkede kesh pisken ońtústik jaqtyń qarbyzy men qaýynyn, shaı, keptirilgen jemister men kondıter ónimderin satyp alýǵa bolady.

Jármeńkede Pavlodar oblysynyń ákimi Bolat Baqaýov boldy. Ol qatarlardy aralap, birneshe eskertý jasady. Oblys ákiminiń orynbasary Almas Batanov atap ótkendeı, fermerler óz ónimderin munda deldalsyz sata alatyndyqtan, senbi jármeńkesindegi baǵalar dúkender men qala bazarlaryndaǵy baǵalardan 30% tómen.

«Aýa raıy múmkindik beretindikten búginnen bastap kóshede taǵy da et satylady. Osy kúnge deıin olar Kvazardyń ishinde satylyp keldi. Qarashanyń ár úshinshi jeksenbisi – aýyl sharýashylyǵy qyzmetkerleriniń kúni ekenin atap ótkim keledi. Bıyl mereke 17 qarashaǵa keledi. Al, kelesi senbi jármeńkesi 16 qarashada ótkizilip, aýyl sharýashylyǵy qyzmetkerleriniń kúnine arnalady. Oǵan barlyq aýdandar kelmek. Bul qysqy mezgilge et pen basqa da ónimderdi eń tómengi baǵamen qamdap alýǵa jaqsy múmkindik bolady», - dep ýáde etti Almas Batanov.

Jármeńke pavlodarlyqtardyń kóńilinen shyqty. Ásirese et ónimderi bar qatarlarda adam sany kóp boldy. Máselen, Kırjıkovtar otbasy munda ár senbi saıyn Saıajaı shaǵynaýdanynan keledi.

«Meniń oıymsha, bizdiń shaǵynaýdanda, tipti qalada sıyr etin 1400 teńgege satyp ala almaısyń, – Bizdiń dúkenderde 1600-1800 teńge turady. Onyń ústine arzan taýarlar tek jergilikti jerde ǵana óndirilmeıdi. Máselen, búgin bir áıeldiń sóresinen ıvası maıshabaǵyn 700 teńgeden kórdim. Men mundaıdy buryn kezdestirmegenmin. Áıel ózi balyqty tuzdap, deldalsyz satady», - deıdi Marına Kırjıkova..