+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Pavlodarda trıatlonnan Qazaqstan chempıonatynyń jeńimpazdary anyqtaldy

2019 jylǵy 26 tamyz 10:05
Bólisińiz:
Pavlodarda trıatlonnan Qazaqstan chempıonatynyń jeńimpazdary anyqtaldy

PAVLODAR. QazAqparat – Pavlodarda trıatlonnan Qazaqstan chempıonatynyń jeńimpazdary anyqtaldy, dep habarlaıdy QazAqparat pavlodarnews.kz saıtyna silteme jasap.

24 jáne 25 tamyz kúnderi Pavlodarda trıatlonnan Qazaqstan kýbogy fınalynyń jáne Qazaqstan chempıonatynyń qatysýshylaryn qabyldady. Respýblıkalyq jarysqa kásipqoı jáne áýesqoı 109 atlet qatysty. Kásipqoılar QR Kýbogynyń fınalynda eki dıstsıplına boıynsha synǵa tústi: Gýndersen júıesi boıynsha «sýper-sprınt» jáne «standart». Almaty, Aqmola jáne Shyǵys Qazaqstan oblysynan kelgen 22 kásipqoı atlet trıatlonnyń eń qysqa qashyqtyǵynda myqtyny anyqtady – 300 metrge júzý, 8 shaqyrymǵa velojarys jáne 2 shaqyrymǵa júgirý. Barlyq derlik júldeli oryndardy Aqmola oblystyq trıatlon mektebiniń er jáne áıel sportshylary aldy.


«Bir jyl boıy daıyndaldyq. Maýsym aıaqtaldy, bul – sońǵy jarystar. Dıstantsııa da, trassa da ońaı. Pavlodar jaqsy qala. Tek búgin bultty bolyp, jańbyr jaýdy. Bul velokezeńde yńǵaısyzdyqtar týdyrdy – jolda sý, laı boldy», - dedi kókshetaýlyq Nadejda Bekmaǵanbetova.


Al áýesqoı atletter kelesi olımpıadalyq dıstantsııany eńserdi – 1500 metrge júzý, 10 shaqyrymǵa velojarys jáne 10 shaqyrymǵa júgirý. Startqa barlyǵy 87 sportshy shyqty. Olar jekeleı jarys jáne estafetada baq synady.

Márege birinshi bolyp Running Pavlodar komandasy jetti. Estafeta qatysýshylary qashyqtyqty 2 saǵat 55 sekýndta ótti. Barlyǵy 9 estafetalyq komanda qatysty.

Jekeleı synda almatylyq Aslan Ábdrahmanov jeńis tuǵyryna kóterildi. Onyń ýaqyty - 2 saǵat 6 mınýt 25 sekýnd.

Áıelder arasyndaǵy jekeleı synda absolıýtti chempıon Aınur Qumarova boldy. Elordalyq qyz mejeni 2 saǵat 40 mınýt 41 sekýndta ótti.

Jarystyń bas tóreshisi Dandybaı Álimbaevtyń aıtýynsha, Qazaqstan chempıonaty áýesqoılar úshin Temir Adam kýbogynyń sońǵy kezeńderiniń biri boldy. Jylyna 12 kezeń ótkiziledi. Sońǵysy Aqtaý qalasynda ótip, onda sportshylar 1900 metrge júzý, 90 shaqyrymǵa velosıpedpen ótý, 21 shaqyrymǵa júgirý qashyqtyǵyn eńserýi tıis bolady.



Bizdiń kanalymyzǵa jazylyńyz:

Basty sózder: Aımaq, Sport, Pavlodar oblysy,
Bólisińiz:

Aýdarma:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT